Bakı-Sumqayıt qatarında yaranmış nasazlığın səbəbi açıqlanıb

“Azərbaycan Dəmir Yolları” QSC-nin Bakı-Sumqayıt qatarında texniki nasazlıq yaranması barədə məlumatlara aydınlıq gətirib.

“Azərbaycan Dəmir Yolları” QSC-nin Mətbuat katibliyi şöbəsindən 1news.az-a bildirilib ki, kəskin hava şəraiti ilə əlaqədar (güclü küləyin əsməsi nəticəsində) bu gün saat 03:25 radələrində Bakı-sərnişin Keşlə mənzilində kontakt şəbəkədə texniki nasazlıq yaranıb.

Hadisə nəticəsində saat 07:50-də Bakıdan, 08:40-da Sumqayıtdan yola düşməli olan elektrik qatarları hərəkətdə olmayıb.

Təcili bərpa işlərinə başlanılıb və texniki nasazlıq aradan qaldırılıb.

Hazırda qatarlar cədvəl üzrə hərəkət edirlər.

S.Xankişiyeva