Futbol

LSS MFL 2019/20 Liqasının XVI turu: “Tiyaqani”dən çətin qələbə, “Muğanbank” darmadağına sevindi – FOTO – VİDEO

16:20 - 27 / 12 / 2019

Azərbaycanın futbol üzrə ən böyük həvəskarlar liqası olan LSS MFL 2019/20-də 16-cı turun oyunları keçirilib.

1news.az-ın verdiyi xəbərə görə, həm İnfinity, həm də Platinum konferensiyalarında çıxış edən komandalar arasında “MFL Arena”nın meydanlarında keçirilən görüşlər hər zamankı kimi gərgin mübarizə şəraitində keçib.

Qeyd edək ki, 16-cı turda İnfinity konferensiyasının lideri “Squadra” rəqibi “Driffters”in qapısından 8 cavabsız top keçirərək 15-ci oyununda 15-ci qələbəsini qazandı. “Galaxy” – “Chelsea Baku” görüşündə isə qapılara qol vurulmadı.

16-cı turda Platinum konferensiyasında liderlər rəqiblərinə qalib gələrək növbəti üç xalı aktivlərinə yazdılar. Yalnız “Piramida SAYAD” – “AgroSport” görüşündə qalibi müəyyənləşdirmək mümkün olmadı.

Həftənin ən maraqlı qarşılaşmalarından biri İnfinity konferensiyasında üst pillələrində qərarlaşan “Tiyaqani” ilə “Kapital Bank” komandaları arasında baş tutub. Futbol həvəskarları bu iki iddialı komandanın görüşünü böyük həyəcanla gözləyirdilər.

MFL-in səhifəsində canlı yayımlanan görüş birincilərin 2:1 hesablı qələbəsi ilə yekunlaşıb. Bu qələbə sayəsində “Tiyaqani” komandası ikinci sıradakı mövqeyini qoruyub saxlamağı bacarıb. “Kapital Bank” isə mövsümdə ikinci məğlubiyyətini alıb.

Vaxtilə Azərbaycan peşəkar futbolunda top qovmuş, indi isə MFL-də öz oyunu ilə göz oxşayan Ramal Hüseynovdan müsahibə alaraq ona bəzi suallarımızı ünvanladıq.

“Baku Juniors” komandasının kapitanı Elvin Şirinli ilə “BOS Shelf” matçı öncəsi aldığımız müsahibəni təqdim edirik. O komandasının MFL-də iştirakı, gələcək planlar, yeni oyunçuların transferi və digər məsələlər barədə danışdı.

“Army United” komandası hər il olduğu kimi bu mövsüm də MFL-ə rəng qatmağa davam edir. Komandanın heyətində isə 6 oyuna 17 qol vurmuş Əsəd Ağayev və assisterlər siyahısına 21 assistlə başçılıq edən Emin Nəsirzadə çıxış edir. Bir sözlə, geriyə qalan isə sadəcə “play-off” mərhələsinə keçid almaqdır.

“Dənizkənarı Bulvar İdarəsi” son turda çətin rəqiblərdən biri olan BOS Shelf” üzərində 2-1 hesablı qələbə qazanmaqala xallarının sayını 24-ə çatdırdı.