Təhsil Nazirliyində vətəndaş qəbulu müvəqqəti dayandırıldı | 1news.az | Xəbərlər
Cəmiyyət

Təhsil Nazirliyində vətəndaş qəbulu müvəqqəti dayandırıldı

17:45 - 16 / 03 / 2020
Təhsil Nazirliyində vətəndaş qəbulu müvəqqəti dayandırıldı

Koronavirus infeksiyasının (COVİD-19) yayılmasının qarşısının alınması ilə əlaqədar görülən tədbirlər barədə Nazirlər Kabineti yanında Operativ Qərargahın 2020-ci il 13 mart tarixli məlumatı nəzərə alınaraq, Təhsil Nazirliyinin Vətəndaşların Qəbulu Mərkəzi 2020-ci il martın 20-dək fəaliyyətini dayandırır.

Bu barədə 1news.az-a Təhsil Nazirliyindən məlumat verilib.

Təhsil sahəsində dövlət xidmətlərinin göstərilməsini təmin etmək üçün bu dövr ərzində müraciətlər 146-1 Telefon Məlumat Mərkəzi vasitəsilə cavablandırılacaq. Vətəndaşlar həmçinin nazirliyin rəsmi [email protected] elektron poçt ünvanına müraciət edə və elektron resurslarında (www.edu.gov.az; www.ict.edu.az) təqdim edilən müxtəlif e-xidmətlərdən yararlana bilərlər.

Rəsmi məlumatları Təhsil Nazirliyinin internet saytı (www.edu.gov.az) və sosial şəbəkələrdəki səhifələrindən izləmək tövsiyə edilir.

S.Xankişiyeva

 

 

Paylaş:
528

Son xəbərlər

Bütün xəbərlər