“Siyəzən broyler”ASC Fonda 197 min manat keçirdi
Ölkənin iri quşçuluq təsərrüfatlarından olan “Siyəzən Broyler” ASC-nin kollektivi Azərbaycan Prezident İlham Əliyevin “Azərbaycan Respublikasında əhalinin sağlamlığının qorunması və koronavirus infeksiyasına qarşı mübarizənin gücləndirilməsi ilə bağlı tədbirlər haqqında” Fərmanını və həmin Fərmana əsasən Koronavirusla Mübarizəyə Dəstək Fondu yaradılmasını razılıqla qarşılamışdır.
Kollektiv koronavirusun yeni növü ilə mübarizə məqsədi ilə Koronavirusla Mübarizəyə Dəstək Fonduna 197 min manat vəsait ayrılması haqqında qərar qəbul etmiş və həmin vəsait bu gün birincilər sırasında Fondun yeni açılmış hesabına köçürülmüşdür.
“Siyəzən Broyler” ASC ümumi bəlaya qarşı mübarizədə gələcəkdə də dövlətin və xalqın yanında olacağını və bu çətin imtahandan üzağ çıxmaq üçün səylərini əsirgəməyəcəyini bildirmişdir.
