Dünyada koronavirusa yoluxma sayı 170 milyonu ötüb

Dünyada son sutka ərzində 352 685 nəfər koronavirusa yoluxub, 8 055 nəfər ölüb.

1news.az TASS-a istinadən xəbər verir ki, bu barədə Ümumdünya Səhiyyə Təşkilatının son hesabatında bildirilib.

Dünya üzrə ümumilikdə isə rəsmi olaraq 170 426 245 yoluxma hadisəsi, 3 548 628 ölüm faktı qeydə alınıb.

Son 24 saat ərzində yoluxmanın 41 faizdən çoxu Cənub-Şərqi Asiyanın (145 075) payına düşür.

Digər yerləri isə Şimali və Cənubi Amerika (114 062) ilə Avropa (38 220) bölüşür.

1news.az