“Bizə bu hissi yaşadanlara ömür boyu borcluyuq” - Deputat Prezidentin Füzuli səfərindən danışdı
Ali Baş Komandanımız İlham Əliyevin rəhbərliyi ilə Azərbaycan Ordusunun gücü sayəsində işğal altında olan torpaqlarımızın terrorçu Ermənistan ordusundan təmizlənməsi, şəhər, rayon və kəndlərimizin 44 günə azad edilməsi ermənilərin öz ordularının “məğlubedilməzliyi” ilə bağlı yaratdıqları mifi darmadağın etdi.
Qələbədən sonra bizi yalnız bir məsələ sarsıtdı - torpaqlarımızın erməni vandalları tərəfindən terrora məruz qalması. Bunu bütün dünya gördü. İndi isə biz sevinirik. Çünki Qarabağımız yenidən qurulur. Aparılan təmir-tikinti işləri, yeni infrastrukturların yaradılması, vətəndaşların rifahı üçün mühüm əhəmiyyət kəsb edən obyektlərin açılması, bir qisminin təməlinin qoyulması 30 ilə yaxın ürəyimizdə olan Qarabağ boyda yaramıza dərmandır.
Bu gün Ali Baş Komandanın bu müqəddəs torpaqlara mütəmadi səfərlərinin xüsusi önəm daşıdığını deyən Milli Məclisin deputatı Vüqar İskəndərov 1news.az-a bildirdi ki, səfərlər çərçivəsində ölkə rəhbərinin çıxışlarındakı subniminal mesajlar dünya dövlətlərinə Azərbaycan xalqınını işğalla heç zaman barışmadığını , öz ata-baba torpaqlarına 44 günə necə sahib çıxdığını deyir:
“Məhz bu mesajlar dünyaya erməni lobbisinin nə olduğunu, nəyə qadir olduğunu deyir. Bu gün erməni terrorçuları tərəfindən infrastrukturu tamamilə dağıdılan Füzulidə bərpa prosesinin aparılması, müxtəlif infrastruktur layihələrinin həyata keçirilməsi təkcə bizi deyil, dost-qardaş ölkələri də sevindirir.
Kiçik bir xatırlatma üçün deyim ki, Füzuli Beynəlxalq Hava Limanının tikilərək istifadəyə verilməsi, burada “Azərişıq” ASC-nin Rəqəmsal Yarımstansiya İdarəetmə Mərkəzinin təməlinin qoyulması, Füzuli-Şuşa magistral yolunun, Füzuli-Hadrut, Füzuli-Cəbrayıl, Füzuli-Ağdam yollarının çəkilişi, Füzuli-Ağdam yolunun təməlinin qoyulması, Füzuli Memorial Kompleksinin və Füzuli şəhərinin təməl daşının qoyulması kimi bərpa və yenidənqurma işlərinin həyata keçirilməsi ancaq və ancaq Azərbaycan dövlətinin öz gücünə həll edilir.
Ölkə başçısının məqsədyönlü siyasəti nəticəsində işğaldan azad olunan torpaqlarımızda qısa zaman kəsiyində çox böyük işlər görüldü və bu davam edir. Əlbəttə ki, biz qalib ölkənin qalib vətəndaşları olaraq bizə bu hissi yaşadanlara ömür boyu borcluyuq”-deyə deputat əlavə etdi.
Aytən Sakitqızı
