Zaxarova: Biz Qarabağda sabitliyin möhkəmləndirilməsi üçün nə lazımdırsa edirik

Moskva Qarabağda sabitliyin möhkəmləndirilməsi və dinc həyatın bərqərar olması üçün hər cür səy göstərir.

1news.az-ın AZƏRTAC-a istinadla verdiyi xəbərə görə, Rusiya Xarici İşlər Nazirliyinin rəsmi nümayəndəsi Mariya Zaxarova bunu Moskvada keçirdiyi brifinqdə bəyan edib.

Diplomat vurğulayıb: “Deyə bilərəm ki, regionda sabitliyin möhkəmləndirilməsi və dinc həyatın bərqərar olması üçün nə lazımdırsa edirik. Əlbəttə, hazırda ticari-iqtisadi və nəqliyyat əlaqələrinin bərpası və inkişafı məsələləri də diqqət mərkəzindədir”.