Putin Azərbaycan Prezidentini Yeni il münasibətilə təbrik edib

Rusiya Prezidenti Vladimir Putin Azərbaycanın dövlət başçısı İlham Əliyevə Yeni il münasibətilə təbrik ünvanlayıb.

Bu haqda 1news.az Kremlin saytına istinadla xəbər verir.

Təbrikdə qeyd olunub ki, iki dövlətin başçılarının başa çatmaqda olan ildə Moskva və Soçidə görüşləri Rusiya və Azərbaycan arasında strateji tərəfdaşlığın möhkəmliyini tam təsdiqləyib.

V.Putin Rusiya-Azərbaycan əlaqələrinin bundan sonra da inkişaf etdirilməsi üçün konstruktiv dialoq və sıx birgə fəaliyyətin davam etdirilməsinə ümidvar olduğunu ifadə edib. Vurğulanıb ki, bu, iki dövlətin xalqlarının əsas maraqlarına cavab verir.