Çempionlar Liqasında bütün yarımfinal iştirakçıları bəlli olub

UEFA Çempionlar Liqasında 1/4 final mərhələsinə yekun vurulub.

1news.az xəbər verir ki, bununla da yarımfinalın bütün iştirakçıları bəlli olub.

İngiltərənin “Liverpul” klubu cavab oyununda Portuqaliya “Benfika”sını qəbul edib. Qarşılaşma 3:3 hesabı ilə yekunlaşıb.

İlk matçda da 3:1 hesabı ilə qələbə qazanan ingilislər yarımfinala adlayan tərəf olub.

Gecənin digər matçında başqa bir İngiltərə təmsilçisi “Mançester Siti” isə İspaniyada Madridin “Atletiko” klubu ilə üz-üzə gəlib. Oyun 0:0 hesabı ilə başa çatıb.

İngiltərədəki oyunda 1:0 hesabı ilə qalib gələn “Mançester Siti” qitənin nüfuzlu çempionatında yarımfinal oynamaq şansı qazanıb.

Beləliklə, yarımfinalda "Liverpul" "Vilyarreal"la, "Mançester Siti" isə "Real" ilə qarşılaşacaq. Yarımfinal mərhələsinin ilk görüşləri 26-27 apreldə, cavab qarşılaşmaları isə 3-4 mayda olacaq.

Çempionlar Liqası, 1/4 final

Cavab oyunları

13 aprel

23:00. "Liverpul" (İngiltərə) - "Benfika" (Portuqaliya) - 3:3

Qol: Konate, 21. Firmino, 55: 65 – Ramos, 32. Yaremçuk, 74. Nunez, 83.

Baş hakim: Serdar Gözübüyük (Niderland)

İlk oyun - 3:1

23:00. "Atletiko" Madrid (İspaniya) - "Mançester Siti" (İngiltərə) - 0:0

Baş hakim: Daniel Zibert (Almaniya)

İlk oyun - 0:1

1news.az