“Azərbaycan Ermənistanla sülh müqaviləsi imzalanması məsələsində qətiyyətli mövqe nümayiş etdirir” - Deputat | 1news.az | Xəbərlər
Siyasət

“Azərbaycan Ermənistanla sülh müqaviləsi imzalanması məsələsində qətiyyətli mövqe nümayiş etdirir” - Deputat

12:31 - 14 / 05 / 2022
“Azərbaycan Ermənistanla sülh müqaviləsi imzalanması məsələsində qətiyyətli mövqe nümayiş etdirir” - Deputat

“Son illər Azərbaycanın dünya birliyində mövqeləri daha da möhkəmlənib, əlaqələri xeyli genişlənib. Azərbaycan Prezidenti İlham Əliyevin postmünaqişə dövründə sülh və əməkdaşlıq təşəbbüsləri beynəlxalq müstəvidə təqdir olunur.

Bu baxımdan, mayın 11-də ABŞ Dövlət katibi Antoni Blinkenin Prezident İlham Əliyevə telefon zəngi diqqəti cəlb edir. Telefon danışığı zamanı regional təhlükəsizliklə əlaqədar mühüm məsələlər müzakirə olunub”.

1news.az xəbər verir ki, bu fikirləri Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva deyib.

Deputat bildirib ki, ABŞ Dövlət katibi Azərbaycan ilə Ermənistan arasında aparılan danışıqları və bu xüsusda sülh sazişinin bağlanmasını dəstəklədiyini vurğulayıb və bunun regionda davamlı sülhün təmin olunmasına töhfə verəcəyinə ümidvar olduğunu ifadə edib. Antoni Blinken, həmçinin ABŞ-ın Azərbaycanla Ermənistan arasında sərhədlərin delimitasiyası və demarkasiyası, nəqliyyat xətlərinin açılması prosesinə dəstək verməyə hazır olduğunu deyib. Prezident İlham Əliyev isə Azərbaycanın Ermənistan ilə münasibətləri normallaşdırmaq məqsədilə təqdim etdiyi 5 prinsipin Ermənistan tərəfindən qəbul edildiyini və Azərbaycanın bu prinsiplər əsasında sülh sazişi üzrə danışıqlara başlamağa hazır olduğunu, eləcə də delimitasiya və demarkasiya prosesinin tezliklə başlanılması üçün milli komissiyanın tərkibinin müəyyən edildiyini, nəqliyyat-kommunikasiya xətlərinin açılmasının vacibliyini vurğulayıb.

Millət vəkilinin sözlərinə görə, hazırkı dönəmdə ən aktual mövzulardan biri Azərbaycan ilə Ermənistan arasında sülh müqaviləsinin imzalanması məsələsidir. Azərbaycan bu məsələdə qətiyyətli və birmənalı mövqe nümayiş etdirir, siyasi-hüquqi öhdəliklərinə sadiqdir. Bakı istər sülh müqaviləsinin imzalanmasına, istərsə də sərhədlərin delimitasiyası ilə əlaqədar prosesə hazırdır. Sülh sazişinin imzalanmasına dair danışıqlar beynəlxalq hüquqa uyğun aparılmalıdır. Eyni zamanda, bu saziş beynəlxalq hüququn fundamental norma və prinsiplərinə, xüsusilə də ərazi bütövlüyü və ölkələrin suverenliyi prinsiplərinə əsaslanmalıdır. İki dövlət məhz Bakının təklif və təqdim etdiyi beş baza prinsipi əsasında nəticəyə yönəlik danışıqlar apararaq ikitərəfli sülh sazişini yekunlaşdıra bilər.

“Əlbəttə ki, burada dövlətimizin iradəsi həlledicidir. Beynəlxalq birlik Azərbaycanın regionda yaratdığı yeni realıqları qəbul edib. Yeni əməkdaşlıq mühiti region dövlətləri üçün tarixi imkandır. Əsas məsələ postkonflikt dövründə regionun geostrateji dizaynında fəal iştirak etmək və ya prosesə dəstək verməkdir. Blinkenin telefon zəngi də bu reallığı ifadə edən mühüm faktlardandır. Bu gün aparılan müzakirələr Azərbaycanın şərtləri diktə etməsi fonunda və təklifləri əsasında davam etdirilir. Üstəlik, proses Avropa İttifaqı, Rusiya, ABŞ və digər güc mərkəzləri, beynəlxalq təşkilatlar tərəfindən müsbət qiymətləndirilir. Əsas məqamlardan biri budur ki, regionun bugünkü və gələcək geosiyasi taleyi ilə bağlı məhz Prezident İlham Əliyevlə fikir mübadiləsi aparırlar. Bu da dövlətimizin başçısının beynəlxalq müstəvidə böyük nüfuz sahibi olduğunu bir daha təsdiqləyir”,-deyə S.Fətəliyeva vurğulayıb.

1news.az

Paylaş:
125

Son xəbərlər

“Son zəng”dən əvvəl yoxa çıxdı, 22 gün sonra meyiti tapıldıBu gün, 10:09Manatın xarici valyutalara qarşı rəsmi məzənnəsiBu gün, 09:53Pensiyaların yardımla birlikdə ödəniləcəyi tarix açıqlandıBu gün, 09:46“Location” gecə klubundakı partlayışla bağlı istintaq başa çatıbBu gün, 09:35Sumqayıtda qadına təpik vuran avtobus sürücüsü işinə qaytarıldı - VİDEOBu gün, 09:28Ağsuda sərxoş şəxs yanğın törədib - FOTOBu gün, 09:25Bakıda bu yollarda sıxlıq var - SİYAHIBu gün, 09:20İran Prezidenti Ceyhun Bayramovu qəbul edibBu gün, 09:17Azərbaycan ÜST-dən meymunçiçəyi test dəstlərini təhvil alıbBu gün, 09:12Dolların sabaha olan rəsmi məzənnəsi açıqlanıb04 / 07 / 2022, 17:56İsveç və Finlandiya ilə imzalanan memorandum Türkiyəyə nə qazandıracaq?04 / 07 / 2022, 17:49Prezident: “Sülh müqaviləsinin hazırlanması prosesinə ABŞ-ın töhfə verə biləcəyi qənaətindəyik”04 / 07 / 2022, 17:43AZAL gələn həftədən Bakı-Daşkənd-Bakı istiqaməti üzrə uçuşların sayını artırır04 / 07 / 2022, 17:42Prokuror Bakıda qətl törətməkdə təqsirləndirilən şəxsə 19 il cəza istədi04 / 07 / 2022, 17:40“Nar” BMT-nin dayanıqlı inkişaf məqsədlərini dəstəkləyən Qlobal Sazişinə qoşuldu04 / 07 / 2022, 17:35Azərbaycanda turizmin VƏZİYYƏTİ - Daha çox hansı ölkələrdən turist gəlir?04 / 07 / 2022, 17:16Türkiyədə torpaq sürüşməsində ölən azərbaycanlı sürücünün nəşi Vətənə yola salınıb04 / 07 / 2022, 16:59Azərbaycan Prezidenti Baydeni Müstəqillik Günü münasibətilə təbrik edib04 / 07 / 2022, 16:52Azərbaycanda COVID-19 əleyhinə peyvənd olunanların sayı açıqlanıb04 / 07 / 2022, 16:49Azərbaycanda son sutkada COVID-19-a neçə nəfər yoluxub?04 / 07 / 2022, 16:36
Bütün xəbərlər

Next TV