Dünya bu görüntülərdən danışır - Ukraynada ata ölən oğlunun əlini buraxmadı - FOTO
Ukraynada müharibə davam edərkən, ölkənin hər yerindən kədərli xəbərlər gəlməkdə davam edir.
1news.az Hürriyet.com- a istinadən xəbər verir ki, Rusiya raketləri bu dəfə Xarkovu hədəfə alıb.
Hücumda oğlunu itirən atanın oğlunun meyidinin yanında gözlədiyi o anlar müharibənin eybəcər simasını bir daha ortaya qoydu. Bu görüntülər bütün dünyada manşetlərə çevrilərkən, görüntülər sosial mediada reaksiya gördü.
Fevralın 24-də Rusiya prezidenti Putinin göstərişi ilə başlayan müharibə sürətini azaltmadan davam edir. Minlərlə insanın həyatına son qoyan müharibə dinc əhalinin ölümünə səbəb olmaqda davam edir. Qərbin silah yardımından sonra Ukraynadakı hədəflərinin şərq bölgələri ilə məhdudlaşmayacağını bəyan edən Rusiya Xarkovu hədəfə alıb.
New York Postda yer alan xəbərə görə, hücumda ölənlər arasında 13 yaşlı bir uşaq da var. Oğlunun cansız bədənini bir an belə tərk etməyən kədərli ata uzun müddət onun əlini tutub. Həmin anlar ətrafdakı fotojurnalistlərin diqqətindən kənarda qalmadı.
Rusiya bu yaxınlarda Ukraynanın Vinnitsa şəhərindəki biznes mərkəzinə zərbə vurdu. Hücumda 20-dən çox adam həlak olub, daun sindromlu dörd yaşlı Liza Dmitriyeva və anası İrina Rusiya raketlərinin hədəfinə düşüb. Zelenski isə sosial media hesabından verdiyi açıqlamada Rusiyanın bu hücumunu terror aktı kimi qiymətləndirib. Rusiya isə raket hücumunun Ukrayna ordusunun üzvlərini və xarici silah tədarükçülərini hədəf aldığını iddia edib.
Humay Əliyeva
