Əli Əsədov Türkiyənin Vitse-prezidenti ilə danışdı: “Azərbaycan Türkiyənin yanındadır”

Noyabrın 23-də Azərbaycan Respublikasının Baş naziri Əli Əsədov ilə Türkiyə Respublikasının Vitse-prezidenti Fuat Oktay arasında telefon danışığı olub.

1news.az xəbər verir ki, telefon danışığı əsnasında Türkiyənin Düzce vilayətində baş vermiş zəlzələ ilə bağlı narahatlıq ifadə olunub, yaralananların tezliklə sağalması, zəlzələnin nəticələrinin və dəymiş ziyanın aradan qaldırılması arzulanıb.

Bildirilib ki, Azərbaycan hər zaman olduğu kimi, bu çətin məqamda da Türkiyənin yanındadır.

Türkiyənin Vitse-prezidenti göstərilən diqqətə görə minnətdarlığını bildirib.