Nazir qırmızı diplomla bağlı danışdı: “Kağızdan çox bilik rol oynayır”

“Biz qırmızı diplomlarla bağlı güzəşti etmirik, onu işə götürən, bazar müəyyən edir” .

1news.az xəbər verir ki, bunu Elm və təhsil naziri Emin Əmrullayev media üçün brifinqdə deyib.

“Lakin dünyada artıq diplomlardan, kağızlardan çox bilik rol oynayır".

Nazir qeyd edib ki, güzəşt doğru və dürüst olmalıdır:

"Mən 10 il əvvəl qırmızı diplom almışam və bu gün müsabiqədə iştirak etməməyim düzgün deyil, çünki bilik fərqlidir. Qırmızı diplom bilik və bacarığın əksidirsə, haqlıdır. Yox sadəcə rəngidirsə, o zaman güzəşt edilməsi düzgün deyil".