“ASG Helicopter Services” şirkətinin 15 illik yubileyi helikopter ənənələrinin davamı - FOTO
Zabrat hava limanında ilk helikopter eskadrilyasının yaradılmasının tarixi ötən əsrin 60-cı illərinə gedib çıxır.
O vaxtdan etibarən Azərbaycanda sabit və inkişaf edən kiçik aviasiya sənayesi formalaşıb, yerli mütəxəssislərin hazırlanmasına və ən müasir təyyarələrin istismarına diqqət ayrılıb. Bu illər ərzində Ümummilli Lider Heydər Əliyevin, daha sonra isə Azərbaycanın hazırkı Prezidenti cənab İlham Əliyevin bilavasitə dəstəyi ilə respublikanın təyyarə parkının köhnə modelləri Qərbin “Airbus”, “Sikorsky”, “Leonardo Helikopters” kimi aviasiya nəhənglərinin ən müasir təyyarələri ilə əvəz edilib.
Azərbaycanda və Xəzər regionunda kiçik aviasiyanın lideri olan “ASG Helicopter Services” MMC-nin yaradılmasının bu il 15 yaşı tamam oldu. Hazırda şirkət “Sikorsky S-92A”, “Leonardo Helicopters AW139”, AW109SP, MI 8 AMT, “Airbus Helicopters AS-332L1” helikopterlərində müxtəlif uçuşlar həyata keçirir, həmçinin kiçik “Cessna 172S” təyyarələrinə texniki dəstək və təmir xidmətləri göstərir.
Fəaliyyət göstərdiyi müddət ərzində “ASG Helicopter Services” helikopter xidmətləri bazarında tanınmış şirkətə çevrilib, uğurlu rebrendinq həyata keçirib, şirkətin texniki heyəti həm yerli, həm də beynəlxalq tənzimləyicilər tərəfindən “EASA Part-145” və digər beynəlxalq sertifikatlara layiq görülüb, “Augusta Westland” helikopterlərini istehsal edən və Avropanın aparıcı istehsalçılarından hesab olunan “Leonardo” şirkəti tərəfindən AW tipli helikopterlər üçün “Sertifikatlı Xidmət Mərkəzi” olaraq qəbul edilib. Şirkətin personalı beynəlxalq təlim mərkəzlərində təlim keçib. Hər il öz bilik və bacarıqlarını yeniləyən işçi heyəti aviasiya sahəsində yüksəkixtisaslı peşəkarlardan ibarətdir.
Şirkət Xəzər regionunda kiçik aviasiya daşımaları sahəsində lider mövqeyə malikdir. Əsas fəaliyyət istiqaməti Xəzər dənizində karbohidrogen hasilatı ilə məşğul olan neft nəhənglərinə aviasiya xidmətlərinin göstərilməsidir.
Bu növ aviasiya xidməti həqiqətən unikal hesab olunur. Fövqəladə hallarda pilotlar helikopterlərlə üzən platformalara və gəmilərə eniş etməli olurlar ki, bu da onlardan ən yüksək səviyyəli idarəetmə bacarığı və belə uçuşların həyata keçirilməsində böyük təcrübə tələb edir. Qürurla deyə bilərik ki, şirkətin demək olar ki, bütün pilotları belə peşəkar keyfiyyətlərə malikdir.
Şirkətin pilotları şəhər şəraitində helikopterlərin idarə edilməsinin çətin elementlərindən biri olan “Formula 1”in helikopter vasitəsilə hava çəkilişlərinin aparılması üçün Bakı səmasında uçuşlar həyata keçiriblər.
Gələcəkdə “ASG Helicopter Services” MMC bütün Xəzər regionu və Cənubi Qafqaz regionunda aviasiya helikopter xidmətlərinin tam spektrini təmin etməklə öz fəaliyyət dairəsini genişləndirməyi hədəfləyir. Afrikada və Cənub-Şərqi Asiyada, eləcə də Yaxın Şərqdə potensial bazarların imkanları nəzərdən keçirilir.
Yaxın perspektivdə uçuş təhlükəsizliyi ilə bağlı beynəlxalq tələblərin davamlı olaraq artacağını nəzərə alaraq, bəzi modellərin yeni tipli helikopterlərlə əvəzlənməsi planlaşdırılır.
“ASG Helicopter Services” MMC bütün əməkdaşlarını yubiley münasibətilə təbrik edir, yeni perspektivli vəzifə və istiqamətlərə sadiqliyini, həmçinin bundan sonra da ölkə aviasiyasının inkişafı naminə xidmət göstərəcəyini bəyan edir.
Reklam hüququnda
