Mixail Mişustinin Azərbaycana səfəri başa çatıb - FOTO

Rusiya Federasiyası Hökumətinin sədri Mixail Mişustinin Azərbaycana səfəri martın 6-da başa çatıb.

1news.az-ın məlumatına görə hər iki ölkənin Dövlət bayraqlarının dalğalandığı Heydər Əliyev Beynəlxalq Aeroportunda qonağın şərəfinə fəxri qarovul dəstəsi düzülmüşdü.

Rusiya Hökumətinin sədrini Azərbaycanın Baş nazirinin müavini Şahin Mustafayev, xarici işlər nazirinin müavini Elnur Məmmədov, ölkəmizin Rusiyadakı səfiri Polad Bülbüloğlu, Rusiyanın Azərbaycandakı səfiri Mixail Yevdokimov və digər rəsmi şəxslər yola saldılar.