Azərbaycan DİM Dialoqunu sülh və dostluq platformasına çeviri | 1news.az | Xəbərlər
Köşə

Azərbaycan DİM Dialoqunu sülh və dostluq platformasına çeviri

13:51 - 08 / 05 / 2024
Azərbaycan DİM Dialoqunu sülh və dostluq platformasına çeviri

Bu gün planetin müxtəlif yerlərində üçüncü dünya müharibəsinin əhatəli şəkildə başlaması üçün kifayət qədər münaqişə ocaqlarının mövcud olduğuna baxmayaraq, cəmiyyətlərin, habelə onlara rəhbərlik edən siyasi dairələrin əsas məsuliyyəti dayanıqlı inkişaf konsepsiyalarının üzərində hərtərəfli çalışmaq, 2015-ci ildə Birləşmiş Millətlər Təşkilatına üzv dövlətlər tərəfindən yekdilliklə qəbul olunmuş “Dayanqılı İnkişaf Məqsədləri” (DİM) universal sənədinin icrasına çoxşaxəli dəstəyin göstərilməsidir.

Azərbaycan bütün beynəlxalq platformalarda üzərinə düşən öhdəlikləri nəinki məharətlə yerinə yetirir, eyni zamanda köməyə ehtiyacı olan dövlətlərə öz təcrübəsi ilə yardım edir. 17 məqsədi özündə birləşdirən “2030 Gündəliyi”nin Azərbaycan Respublikası tərəfindən uğurla lokallaşdırılma siyasəti aparılır, hər bir məqsədin prioritetləşdirilməsi mövcud reallıqlar və qanunvericik əsasında təkmilləşdirilir.

Dayanıqlı İnkişaf Məqsədlərinə çatmaq üçün görülən işlərlə dəstək olmaq məqsədilə Azərbaycanda 2022-ci ilin noyabr ayından DİM Dialoqu seriyaları öz işinə başlayıb. Bu il 07 may 2024-cü il tarixində Bakı şəhərində keçirilən 4-cü Dayanıqlı İnkişaf Məqsədləri Dialoqu Azərbaycanın 4-cü Könüllü Milli Hesabatına dair maraqlı tərəflərlə məsləhətləşmələr, Qadınların iqtisadi hüquq və imkanlarının genişləndirilməsi və 5-ci DİM üzrə irəliləyiş üçün atılacaq növbəti addımların həyata keçirilməsini hədəfləmişdi.

Qeyd edim ki, Dayanıqlı İnkişaf Məqsədləri (DİM) Dialoqları seriyası Azərbaycanın 2030-cu ilədək Dayanıqlı İnkişaf Sahəsinə dair Strategiyası və 2030-cu il Gündəliyi çərçivəsində milli prioritetlərin həyata keçirilməsində Azərbaycan Hökumətinə dəstək göstərmək məqsədilə biliklərin artırılması, qabaqcıl beynəlxalq təcrübələrin tətbiq edilməsi və innovativ həllərin təmin edilməsində əsas maraqlı tərəflər – Hökumət, BMT, özəl sektor, vətəndaş cəmiyyəti, Beynəlxalq Maliyyə İnstitutları və inkişaf tərəfdaşları üçün platforma rolunu oynamağı hədəfləyir.

Hər bir DİM Dialoqu əsas diqqətini konkret mövzuya yönəldir və dialoqdan sonra bu mövzu üzrə konseptual yanaşma, məlumatların qısa təhlilinin və qabaqcıl beynəlxalq təcrübə nümunələrinin yer aldığı analitik qeyd, həmçinin mövzu ilə bağlı praktiki siyasət tövsiyələrinin irəli sürüldüyü bölmə işlənib hazırlanır.

Bu il keçirilən 4-cü DİM Dialoqunda Dayanıqlı İnkişaf üzrə Milli Əlaqələndirmə Şurasının üzvləri, dövlət institutları ilə yanaşı olaraq, eyni zamanda beynəlxalq ekspertlər, özəl sektorun, vətəndaş cəmiyyəti təşkilatlarının, elm ictimaiyyətinin və beyin mərkəzlərinin təmsilçiləri, Laos Xalq Demokratik Respublikasının nümayəndə heyəti, BMT-nin alt strukturlarının rəhbər nümayəndələri iştirak edirdilər.

Həmin Dialoqda özəl məqamlardan biri Azərbaycanın DİM-lərə nail olunmasında gördüyü işlərə dair əldə etdiyi təcrübəni dost ölkələrlə bölüşməsi və təcrübə mübadiləsi imkanlarının daha da genişlənməsi oldu. Belə ki, geniş tərkibli Laos Xalq Demokratik Respublikasının nümayəndə heyətinə daxil olan Parlament təmsilçiləri də Dialoqda iştirak edərək, Azərbaycanda Milli Məclisin DİM hədəflərinə çatması və “2030 Gündəliyi”nin icrasında rolunu diqqətlə nəzərdən keçirdilər, təcrübəmizin öz ölkələrində tətbiqində hərtərəfli maraqlı olduqlarını ifadə etdilər.

4-cü DİM Dialoqunun işində iştirak edən Azərbaycan Respublikası Baş Nazirinin müavini, Dayanıqlı İnkişaf üzrə Milli Əlaqələndirmə Şurasının sədri Əli Əhmədov öz çıxışında ölkəmizdə həyata keçirilən siyasətin dövlət başçısının diqqətində olduğunu vurğulayaraq, insan ölümünə səbəb olan mina çirklənməsi probleminin BMT və ona yaxın olan təsisatların diqqətində hər zaman olmasının vacibliyini diqqətə çatdırıb.

Çıxış edən digər natiqlər qadın hüquq və azadlıqlarının, o cümlədən qadınların həyatın müxtəlif sahələrində yaradılmış imkanlara əlçatanlığın təmin olunmasında əsas istiqamətləri qeyd edərək təkliflər səsləndiriblər.

Beləliklə, deyə bilərik ki, DİM Dialoqları seriyaları artıq innovativ həlləri müzakirə etmək və onlara şərait yaratmaq üçün mühüm platformaya çevrilir.

Lakin, nəzərə alaraq ki, bu il dünyanın ən mötəbər və böyük tədbiri olan BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) Azərbaycanda keçiriləcək, DİM Dialoqu çərçivəsində müzakirə olunan bütün məsələlər COP29-da öz məntiqi sonluğuna çatacaqdır.

Məzahir Əfəndiyev

Azərbaycan Respublikası

Milli Məclisinin deputatı

Paylaş:
961

Son xəbərlər

İqtisadiyyat naziri üçüncü “Yüksəliş” müsabiqəsinin qalibləri ilə görüşüb - FOTO14 / 06 / 2024, 19:11“Qarabağ gecəsi” xeyriyyə konsertinə bilet alın, doğma Qarabağın bərpasına dəstək olun14 / 06 / 2024, 19:10DİN: Ahıl və tənha vətəndaşlar dələduzluğa məruz qalır14 / 06 / 2024, 17:48COP29 Könüllülərinin iştirakı ilə sahilyanı təmizlik aksiyası təşkil edilib - FOTO14 / 06 / 2024, 17:45Azərbaycan və Serbiya müdafiə nazirləri hərbi əməkdaşlıq məsələlərini müzakirə ediblər - VİDEO14 / 06 / 2024, 17:38Azərbaycan və Banqladeş XİN-ləri arasında siyasi məsləhətləşmələr olub14 / 06 / 2024, 17:27Dövlət Proqramı çərçivəsində sənəd qəbulunun müddəti uzadılıb14 / 06 / 2024, 17:08“Azərxalça” ASC və Aydan Salahova ortaq layihəyə - “Qadın” triptix xalçasına imza atdılar - FOTO14 / 06 / 2024, 17:05Tərtərdə həmkəndlisini öldürməkdə təqsirləndirilən şəxsin cinayət işi məhkəməyə göndərilib14 / 06 / 2024, 16:40“PAŞA Holding”in “Vətən əmanətlərin keşiyindədir” layihəsi çərçivəsində şəhid ailələrinə bayram sovqatları çatdırılır14 / 06 / 2024, 16:30Rəhman Hacıyev əcnəbi diplomatlara Qarabağda aparılan bərpa və quruculuq işləri barədə məlumat verib - FOTO14 / 06 / 2024, 15:43“Bakı Gəmiqayırma Zavodu” ASCO üçün iki tanker və üç ədəd dalğıc gəmi inşa edəcək14 / 06 / 2024, 15:36Azərbaycanda bayram günlərində banklar və “Azərpoçt” fəaliyyət göstərəcək14 / 06 / 2024, 15:02Metronun “28 May” stansiyasının və Dəmir yol vağzalının qarşısındakı meydan təmirdən sonra belə olacaq - FOTO14 / 06 / 2024, 14:36Azad olunan ərazilərdə qurban kəsimi və satışı məntəqələri müəyyənləşib - SİYAHI14 / 06 / 2024, 14:22İlham Əliyev Qurban bayramı münasibətilə Azərbaycan xalqını təbrik edib14 / 06 / 2024, 14:20MMF2024-ün ilk gününün (online) spikerləri bəlli oldu!14 / 06 / 2024, 14:17Baş Prokurorluq: Naxçıvanda hərbiçimizin ölümü ilə bağlı cinayət işinin istintaqı davam edir14 / 06 / 2024, 13:30Zakir Həsənov Çinin hərbi nümayəndə heyəti ilə görüşüb - VİDEO14 / 06 / 2024, 13:28Kür çayına növbəti dəfə balıq körpələri buraxılıb14 / 06 / 2024, 13:19
Bütün xəbərlər