Azərbaycan-Tacikistan biznes forumu keçirilib | 1news.az | Xəbərlər
İqtisadiyyat

Azərbaycan-Tacikistan biznes forumu keçirilib

Qafar Ağayev14:55 - 20 / 05 / 2024
Azərbaycan-Tacikistan biznes forumu keçirilib

Bakıda Azərbaycan-Tacikistan biznes forumu keçirilib.

1news.az xəbər verir ki, Biznes forumda iqtisadiyyat naziri Mikayıl Cabbarov vurğulayıb ki, dövlətlərimizin rəhbərlərinin siyasi iradəsi və dostluq münasibətləri ölkələrimiz arasında əlaqələrin bütün istiqamətlər üzrə inkişaf etməsində mühüm rol oynayır. Ölkələrimiz istər ikitərəfli və çoxtərəfli formatda, istərsə də beynəlxalq və regional təşkilatlar çərçivəsində qarşılıqlı fəaliyyət göstərir. Tacikistanla iqtisadi-ticarət əməkdaşlığı inkişaf edir. 2024-cü ilin yanvar-aprel ayları ərzində ölkələrimiz arasında ticarət dövriyyəsi 78% artıb. Bu göstəricinin daha da yüksəldilməsi üçün geniş imkanlar var. Bununla yanaşı, yüngül sənaye, kimya sənayesi, dağ-mədən sənayesi və digər istiqamətlər üzrə birgə layihələrin həyata keçirilməsi üçün potensial böyükdür.

Forumda Azərbaycanın əlverişli işgüzar mühiti, nəqliyyat-logistika potensialı, işğaldan azad edilmiş ərazilərimizdə, sənaye parklarında sərmayədarlar üçün yaradılan imkanlar, həyata keçirilən layihələr barədə məlumat verilib, həmçinin bu ilin noyabrında ölkəmizdə keçiriləcək COP29 çərçivəsində əməkdaşlıq imkanları diqqətə çatdırılıb, tacikistanlı həmkarlar və iş adamları fəal tərəfdaşlığa dəvət olunub.

Tacikistanın sənaye və yeni texnologiyalar naziri Şerali Kabir ölkələrimizin biznes qurumlarının iştirakı ilə keçirilən bu cür forum və tədbirlərin işgüzar dairələr arasında səmərəli işbirliyinin qurulması baxımından əhəmiyyətini qeyd edib, Azərbaycanla iqtisadi-ticarət münasibətləri və investisiya tərəfdaşlığının inkişaf etdirilməsi haqqında fikirlərini bildirib.

Azərbaycan Respublikasının İxracın və İnvestisiyaların Təşviqi Agentliyi - AZPROMO-nun icraçı direktoru Yusif Abdullayev, Tacikistan Respublikasının İnvestisiyalar və Dövlət Əmlakının İdarə Edilməsi üzrə Dövlət Komitəsinin sədri Sulton Raximzoda, Azərbaycan Respublikasının Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov, Tacikistan Respublikası Hökuməti yanında İxrac Agentliyinin direktoru Baxriddin Sirocidinzoda Azərbaycan və Tacikistanın biznes və investisiya mühiti, işbirliyinin müvafiq istiqamətlər üzrə inkişaf etdirilməsi imkanları və istiqamətləri barədə çıxış ediblər.

Tədbirdə, həmçinin ölkələrimizin investisiya imkanlarına dair təqdimatlar olub.

Forumda iki ölkənin müvafiq qurumları və sahibkarlıq subyektləri arasında birgə təşəbbüslərin reallaşdırılmasını, sənaye, kənd təsərrüfatı, investisiya, turizm və s. sahələrdə əməkdaşlığı nəzərdə tutan sənədlər imzalanıb.

Tədbir çərçivəsində B2B formatda görüşlər keçirilib.

Tacikistanın sənaye və yeni texnologiyalar naziri ilə görüş keçirilib

İqtisadiyyat naziri Mikayıl Cabbarov Tacikistanın sənaye və yeni texnologiyalar naziri Şerali Kabir ilə görüşüb. Görüşdə qeyd olunub ki, ali və yüksək səviyyəli qarşılıqlı səfərlər, keçirilən görüş və tədbirlər, işgüzar əlaqələr ölkələrimiz arasında iqtisadi tərəfdaşlığın yüksələn xətlə inkişaf etməsində mühüm rol oynayır. Bildirilib ki, Tacikistanla energetika, alüminium sənayesinin inkişafı, aqrar, tekstil sahələrində birgə fəaliyyətin dəstəklənməsi əhəmiyyət kəsb edir.

Görüşdə ikitərəfli iqtisadi-ticarət əlaqələrinin gücləndirilməsi imkanları nəzərdən keçirilib.

Paylaş:
225

Son xəbərlər

Beynəlxalq Qurama Festivalı Şuşa səfəri ilə başa çatdı - FOTO24 / 06 / 2024, 19:11AZAL növbəti dəfə Mərkəzi Asiya və MDB-nin ən yaxşı aviaşirkəti seçilib24 / 06 / 2024, 18:31MMF2024-ün üçüncü gününün spikerləri bəlli oldu!24 / 06 / 2024, 17:49Berlində Azərbaycan dili məktəbinin açılışı olub24 / 06 / 2024, 17:38Ötən il 55 tələbə vəfat edib24 / 06 / 2024, 17:34Ceyhun Bayramov Qırğız Respublikasının yeni səfiri Maksat Mamıtkanovu qəbul edib24 / 06 / 2024, 17:12Ötən il buraxılış imtahanı üzrə ən yüksək və ən aşağı göstəricilərin qeydə alındığı bölgələr - SİYAHI24 / 06 / 2024, 16:45Müəllimlərin sertifikatlaşdırma prosesinin test imtahanı mərhələsi yekunlaşıb24 / 06 / 2024, 16:36Bakı metrosunun Bənövşəyi xəttində qatarların hərəkət qrafiki dəyişdirilir24 / 06 / 2024, 16:29Bakıda qətlə yetirilən polis əməkdaşı Mirəli Heydərov Kürdəmirdə dəfn olunub - FOTO24 / 06 / 2024, 16:13Xalq Bank və “Baku City Residence” xüsusi kobrend Visa kartını təqdim ediblər24 / 06 / 2024, 16:05AAYDA: Salyan şosesində təmir işlərinə başlanılıb24 / 06 / 2024, 16:00Bu gün Xalq şairi Nigar Rəfibəylinin doğum günüdür24 / 06 / 2024, 15:49Konstitusiya Məhkəməsi Milli Məclisin buraxılması barədə Prezidentin sorğusuna baxacaq24 / 06 / 2024, 15:37Vergi Sazişi üzrə tədbirlərin həyata keçirilməsinə dair Çoxtərəfli Konvensiya təsdiq edilib24 / 06 / 2024, 15:23Azərbaycanda xüsusi karantin rejiminin müddəti uzadılıb24 / 06 / 2024, 15:01Dövlət qulluqçuları təltif edilib - SƏRƏNCAM24 / 06 / 2024, 15:00Xidməti vəzifələrini yerinə yetirərkən həlak olan polis əməkdaşları ilə vida mərasimi keçirilib - FOTO24 / 06 / 2024, 14:44Bakıda qətlə yetirilən polis əməkdaşı Mahir Ağayev dəfn olunub - FOTO24 / 06 / 2024, 14:32Qızıl Aypara Cəmiyyəti və “LU-MUN Holding” MMC-nin dəstəyi ilə Neftçala və Mingəçevirdə “Ümumi Xeyriyyə Aksiyası” baş tutub - FOTO24 / 06 / 2024, 14:20
Bütün xəbərlər