İƏT Parlament İttifaqının rəsmisi: “Neqativ hallarla qarşılaşmadıq”
“Biz ötən gün 16 seçki məntəqəsinin gəzmişik, seçki prosesini izləmişik” .
1news.az xəbər verir ki, bunu İslam Əməkdaşlıq Təşkilatının (İƏT) Parlament İttifaqının baş katibinin müavini Məhəmməd Sicani Əli Əsgər sentyabrın 2-də növbədənkənar parlament seçkilərinin yekunları ilə bağlı keçirilən mətbuat konfransında deyib.
O, bildirib ki, biz seçki məntəqəsinin sədri ilə həmçinin digər müşahidəçilər və nəzarətçilər ilə görüşdük, seçki prosesinə nəzarət etdik:
"Həmçinin seçkiyə nəzarət edənlərin öz işlərini dəqiqliklə apardığını gördük. Səsvermənin isə çox gizli və səliqəli şəkildə baş verir. Son olaraq Azərbaycan xalqını bu böyük demokratiya üçün təbrik edirəm".
İƏT Pİ-nın nümayəndəsi Mohammed El Hafed Maham bildirib ki, həmkarının dediklərinə qatılaraq Azərbaycanı seçkilər münasibətilə təbrik edib: "Müşahidələrimiz zamanı məntəqələrində neqativ hallarla qarşılaşmadıq. İnsanlar çox səliqəli və sakit şəkildə seçki məntəqəsinə gəlib səs verirdilər. Bu şəffaf prosesin şahidi olduq”, - deyə o bildirib.
