Axtarışda olan 153 nəfər saxlanılıb

Daxili İşlər Nazirliyi ötən gün ərzində ölkə ərazisində qeydə alınan cinayətlərlə bağlı statistik məlumatları açıqlayıb.

1news.az xəbər verir ki, DİN-in Mətbuat Xidmətindən verilən məlumata görə, aprelin 24-də qeydə alınan 55 cinayətin açılması polis əməkdaşları tərəfindən təmin olunub.

Bildirilib ki, axtarışda olduğuna görə ümumilikdə 153 nəfər, o cümlədən borclu şəxs qismində axtarılan 112 nəfər saxlanılaraq aidiyyəti üzrə təhvil verilib.

Eyni zamanda, narkotiklərlə əlaqəli 29 fakt, qanunsuz saxlanılan silah-sursatın götürülməsi və aşkarlanması ilə bağlı 7 fakt müəyyən edilib.

Həmçinin, cinayət törətməkdə şübhəli bilinən 54 nəfər saxlanılıb.