1news.az

APOEL “Qarabağ”a görə baş məşqçini istefaya göndərdi

8 Avqust saat 15:30 ~ 1 dəqiqəlik oxu 69
APOEL “Qarabağ”a görə baş məşqçini istefaya göndərdi

APOEL baş məşqçisi Paolo Trametsanini istefaya göndərib.

1news.az qol.az-a istinadən xəbər verir ki, bu barədə klubun saytı məlumat yayıb.  İtaliyalı mütəxəssislə müqavilə qarşılıqlı razılaşma əsasında ləğv edilib. Kipr mətbuatı istefaya səbəb kimi komandanın Çempionlar Liqasının üçüncü təsnifat mərhələsində "Qarabağ"a evdə 1:2 uduzmasının səbəb olduğunu göstərib.

Qeyd edək ki, P.Trametsani 2018-ci ildən APOEL-i çalışdırırdı.

Başqa bir xəbərə görə, "Qarabağ"la Bakıda avqustun 13-də keçiriləcək cavab matçına kimi komandanın baş məşqçisi vəzifəsinə  almaniyalı Tomas Dollun təyin ediləcəyi gözlənilir.  53 yaşlı Dollun sonuncu iş yeri Almaniyanın "Hannover" klubu olub. O, müxtəlif vaxtlarda Almaniyada "Hamburq", "Borussiya" (Dortmund), "Gənclərbirliyi" (Türkiyə),  "Əl-Hilal" (Səudiyyə Ərəbistanı) və Macarıstanın "Ferensvaroş" komandalarında da baş məqşçi kimi çalışıb.

1news.az

OXUCULARIN SEÇİMİ
REDAKSİYANIN SEÇİMİ
Azərbaycan futbolu BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net