Ermənilər Tərtərdə dəfn mərasimində əhalini atəşə tutdu: 3 ölü, 3 yaralı var - FOTO
Erməni hərbi birləşmələri Tərtər şəhərində mülki insanları atəşə tutub.
1news.az-ın verdiyi xəbərə görə, bu barədə Azərbaycan Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev "Twitter"də bildirib.
O qeyd edib ki, Ermənistan Silahlı Qüvvələrinin Tərtərdəki qəbiristanlığa hücumu nəticəsində 3 mülki şəxs həlak olub. 3 nəfər isə yaralanıb: “Ermənistan humanitar atəşkəsin arxasında gizlənərək dinc insanlara qarşı terror siyasəti yürüdür. Azərbaycan öz mülki şəxslərini qorumaq üçün suveren hüququnu özündə saxlayır”.
APA-nın Qarabağ müxbiri xəbər verir ki, hadisə dəfn zamanı baş verib. Erməni silahlı birləşmələri Tərtər şəhər qəbiristanlığını artilleriya atəşinə tutublar.
Həlak olanların və yaralananların kimliyi dəqiqləşdirilir.
1news.az
