1news.az

İcra Hakimiyyəti təkzib etdi: Heç bir ödəniş tələb edilə bilməz

25 Mart saat 17:44 ~ 1 dəqiqəlik oxu 2450
İcra Hakimiyyəti təkzib etdi: Heç bir ödəniş tələb edilə bilməz

Sosial şəbəkələrdə Suraxanı Rayon İcra strukturları və Bələdiyyə əməkdaşlarının Qaraçuxur qəsəbəsindəki özəl obyektdən dezinfeksiya xidməti göstərdiyinə görə pul tələb etməsi barədə məlumat yayılıb.

1news.az xəbər verir ki, Suraxanı Rayon İcra Hakimiyyəti açıqlama yayaraq həmin məlumatların həqiqəti əks etdirmədiyini, rayon icra hakimiyyəti strukturlarının özəl obyektlərdə dezinfeksiya fəaliyyəti ilə məşğul olmadığını bildirib.

“Bu gün Bakı şəhərində bir çox özəl və ya təsərrüfat hesablı müəssisələr var ki, onlar dezinfeksiya sahəsində pullu xidmət göstərirlər və bu yalnız özəl obyektləri əhatə edir. Qeyd edilən fakt tərəfimizdən araşdırılıb və məlum olub ki,  insident baş verən ərazidə Əsasnaməsinə uyğun olaraq pullu xidmətlər göstərən Aqrar Xidmətlər Agentliyinin Baytarlıq İdarəsinin Suraxanı rayon sahəsinin əməkdaşları olublar.

Bildiririk ki, rayon icra hakimiyyəti strukturları dövlətin balansında olan binaların, onların giriş bloklarının, liftlərin, həyətlərin, park və küçələrin dezinfeksiyası ilə məşğuldur və bunun müqabilində heç bir ödəniş tələb edilə bilməz”- deyə, İcra Hakimiyyətindən bildiriblər.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net