1news.az

Şuşada düşmənlə əlbəyaxa döyüşə girən şəhid zabitimiz - VİDEO

11 Yanvar saat 11:52 ~ 1 dəqiqəlik oxu 1260
Şuşada düşmənlə əlbəyaxa döyüşə girən şəhid zabitimiz - VİDEO

Onlarla düşmən hərbçisini süngü ilə məhv edib, xeyli yaralı yoldaşını döyüş meydanından çıxararaq həyatını xilas edib...

1news.az xezerxeber.az-a istinadən bildirir ki, söhbət Lerikin Kələxan kəndindən olan şəhid baş leytenant Əliqismət Yaqubludan gedir.

O, 2015-ci ildə Ali Hərbi Məktəbi bitirdikdən sonra Qobustanda yerləşən hərbi hissəyə təyinat alıb. Elə həmin ildə də ərizə yazaraq ön cəbhəyə xidmətə yollanıb.

Aprel döyüşlərində də şücaətləri ilə seçilən Əliqismət 2018-ci ildə Xüsusi Təyinatlı Qüvələrin baş leytenantı kimi xidmət rəisi vəzifəsinə təyin edilib.

Vətən müharibəsində Murovdağ yüksəkliyi, Füzuli, Cəbrayıl, Zəngilan, Qubadlı və Laçının bir neçə kəndinin azad edilməsində qəhrəmanlıqlar gösətərən Əliqismət Şuşada əlbəyaxa döyüşə girənlərdən olub. Döyüş yoldaşları da onun qorxmaz və çox vətənpərvər zabit olduğunu bildiriblər.

İndi şəhid zabitdən geriyə iki övladı-5 yaşlı Əliəsgər və 3 yaşlı Məhəmməd qalıb. Sonuncu zəngində ailəsindən də övladlarının vətənpərvər yetişdirilməsini istəyib.

Əliqismət Yaqublu ölümündən sonra "Azərbaycan bayrağı" ordeni, "Vətən uğrunda" və "Şuşanın azad olunmasına görə" meadlları ilə təltif edilib.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2021 "The First News" İnformasiya Agentliyi,,
Bütün hüquqlar qorunur
entonee.net