Bakıda liftdə bədbəxt hadisə: 7 nəfər xəsarət aldı

Bakının Nərimanov rayonunda bədbəxt hadisə baş verib.

1news.az-ın məlumatına görə, Qarabağ küçəsində yerləşən binalardan birinin liftinin kəməri qırılıb və lift binanın şaxtasına düşüb.

Hadisə nəticəsində 3-ü azyaşlı olmaqla, 7 nəfər ağır yaralanıb. Hadisə yerinə çağırılan təcili tibbi yardım maşını isə yaralıları xəstəxanaya apararkən qəzaya uğrayıb.

Daha sonra yaralılar 1 saylı Şəhər Kliniki Xəstəxanasına (Semaşko) yerləşdirilib.

Xəstəxanadan bildiriblər ki, yaralılardan 4 nəfər artıq evə buraxılıb. 3 nəfər isə reanimasiya şöbəsinə yerləşdirilib. Onların vəziyyətinin orta ağır olduğu bildirilir.

Hazırda hüquq-mühafizə orqanlarının əməkdaşları hadisə yerində araşdırma aparırlar.

1news.az