Amerikanın “Newsweek” jurnalı ikili standartlar və Ermənistanın işğalçı siyasəti barədə məqalə dərc edib | 1news.az | Xəbərlər
Siyasət

Amerikanın “Newsweek” jurnalı ikili standartlar və Ermənistanın işğalçı siyasəti barədə məqalə dərc edib

18:16 - 27 / 05 / 2020
Amerikanın “Newsweek” jurnalı ikili standartlar və Ermənistanın işğalçı siyasəti barədə məqalə dərc edib

Amerikanın “Newsweek” jurnalı “Haym Solomon Mərkəzi” xəbərlər şirkətinin prezidenti və icraçı direktoru Pol Millerin “Koronavirus, korrupsiya və koqnitiv dissonans QHT landşaftını necə formalaşdırır” adlı məqaləsini dərc edib.

AZƏRTAC xəbər verir ki, məqalədə dünyanın bəzi ölkələrinin ikili standartlarından və Ermənistanın işğalçılıq siyasətindən bəhs olunur.

Müəllif yazır ki, İsrail ikili standartlara öyrəncəlidir. Lakin İsraildən fərqli olaraq, Ermənistan “QHT dünyasında “sevimli” hesab edilir. “Human Rights Watch” hüquq müdafiəsi təşkilatının Yaxın Şərq və Şimali Afrika işləri üzrə bölməsinin sabiq direktoru və Kuinsi İnstitutu nəzdində Corc Sorosun maliyyələşdirdiyi tədqiqatlar və siyasət bölməsinin sabiq direktoru Sara Liya Uitson bu ikili standartların parlaq təcəssümüdür. Hər iki təşkilat daim İsrailin qatı tənqidçisi olub, lakin Azərbaycan ərazilərinin Ermənistan tərəfindən işğalını pisləməyib.

Görünür, Ermənistan tərəfindən işğal edilən, - bu fakt BMT Təhlükəsizlik Şurasının bir neçə qətnaməsi ilə təsdiqlənib, - Azərbaycanın Dağlıq Qarabağ regionunda qeyri-qanuni yaşayış yerlərinin tikintisinə Uitsonun heç bir şübhəsi yoxdur. Müəllif yazır ki, Uitson Qarabağı “Ermənistanın ayrılmaz hissəsi” hesab edən Amerikanın erməni milli komitəsi üçün 2018-ci ildə vəsait toplanmasını həyata keçirib.

Bir neçə ay əvvəl Demokratiyanın Müdafiəsi Fondunun (FDD) dərc etdiyi məruzədə müxtəlif ölkələrin hökumətləri və qeyri-hökumət təşkilatları tərəfindən selektiv tənqidə münasibətdə “beynəlxalq sistemdə daha dərin problemlər” qeyd olunub. Məruzə müəlliflərinin fikrincə, Ermənistan “Dağlıq Qarabağın işğalından sonra əsasən simvolik qarşıdurma ilə üzləşib və ona qarşı hansısa konkret sanksiyalar tətbiq edilməyib və ya üzərinə öhdəliklər qoyulmayıb. BMT Təhlükəsizlik Şurasının qətnamələrində Azərbaycan Respublikasında böyük sayda dinc əhalinin məcburi köçürülməsi və Azərbaycan ərazilərinin işğal olunması pislənilir. Lakin onlar təcavüzkarın birbaşa identifikasiyasından vaz keçdilər...”, - deyə müəllif məruzənin mətninə istinad edərək yazır.

Miller, həmçinin qeyd edir ki, Qərbin heç bir ölkəsinin Dağlıq Qarabağdakı oyuncaq rejimi tanımamasına baxmayaraq, Azərbaycanın işğal edilmiş torpaqlarında istehsal edilən məhsullar sərbəst şəkildə bu ölkələrin bazarlarına daxil olur.

S.Xankişiyeva

 

Paylaş:
718

Son xəbərlər

Dövlət Xidməti 2 ayda 11 min mənşə sertifikatı veribBu gün, 17:50Ceyhun Bayramov Rusiya XİN-in xüsusi tapşırıqlar üzrə səfiri ilə cari vəziyyəti müzakirə edibBu gün, 17:38Mikayıl Cabbarov Alessandra Rokkasalvo ilə görüşdü, tərəfdaşlıq istiqamətləri barədə müzakirə aparılıbBu gün, 17:30AZAL-ın yay uçuş cədvəlində dünyanın 50-dən çox şəhəri yer alıbBu gün, 17:19Hikmət Hacıyev: ABŞ-nin sülh prosesində Ermənistanın xeyrinə birtərəfli mövqe tutması çox məyusedicidirBu gün, 17:10Milli Məclisin deputatı Özbəkistana səfər edəcəkBu gün, 17:00Meteohəssas insanların diqqətinə!Bu gün, 16:59Cəlillabadda məktəb direktorunun məhkəməsi başlayırBu gün, 16:44Sumqayıtda fəhlə işlədiyi zavodda ölübBu gün, 16:41Nobel Mükafatı Laureatı, professor Muhammad Yunus UNEC Rektoruna müraciət edibBu gün, 16:29ADY-nin Bakıətrafı sərnişindaşıma xidmətinin qismən subsidiyalaşdırılmasına başlanılırBu gün, 16:22Güclü külək əsəcək - XƏBƏRDARLIQBu gün, 16:15Bakının mərkəzində qəza sıxlığa səbəb olduBu gün, 16:01Havada toz müşahidə olunurBu gün, 15:418 Noyabr prospektində əsaslı təmir işləri aparılır - FOTOBu gün, 15:32Bu gündən 181 avtobus yeni nəqliyyat mübadilə mərkəzindən hərəkət edəcəkBu gün, 15:21Azərbaycanın səfiri etimadnaməsini Ekvador Prezidentinə təqdim edibBu gün, 15:10Sahil Babayev Neftçalada vətəndaşları qəbul edibBu gün, 14:54Laçında uşaqların kompleks tibbi müayinəsi aparılıb - FOTOBu gün, 14:43Salyan sakinindən 2 kiloqramdan artıq heroin götürülübBu gün, 14:22
Bütün xəbərlər