ru

İqtisadiyyat

21 Mart saat 16:20

“Atəşgah” Sığorta Qrupu COVİD-19 virusu ilə mübarizəyə maliyyə dəstəyi ayırıb

“Atəşgah” Sığorta Qrupu COVİD-19 virusu ilə mübarizəyə maliyyə dəstəyi ayırıb

Hər zaman yüksək etibarlılıq, sabitlik və biznesdə şəffavlığı əsas tutaraq fəaliyyət göstərən “Atəşgah” Sığorta Qrupunun sosial məsuliyyət olaraq missiyası Azərbaycanın mədəni irsinin qorunub saxlanılması, ölkəmizin firavan və ekoloji təmiz gələcəyi naminə çalışmaqdır.

23 ildir ki, Azərbaycanın sığorta sektorunda olan “Atəşgah” SQ missiyasına və vizyonuna uyğun olaraq dövlətimizin təşkil etdiyi tədbirlərə dəstək məqsədi ilə Azərbaycan Respublikasının Prezidenti Cənab İlham Əliyevin sərəncamına əsasən yaradılmış “Koronavirusla Mübarizəyə Dəstək Fonduna” maliyyə yardımına qoşulmağa qərar vermişdir.

Son aylarda dünyada yayılan yeni növ koronavirus infeksiyasının coğrafiyasının genişlənməsini nəzərə alaraq, ölkəmizdə də bu xəstəliyə yoluxma hallarının qarşısının alınması məqsədi ilə “Atəşgah” Sığorta Qrupu sosial həmrəylik nümayiş etdirmiş və virusla mübarizə istiqamətində həyata keçirilən tədbirlərə öz mənfəəti hesabına 100 000 AZN məbləğində maliyyə vəsaiti ayırmışdır.

Ətraf mühitin mühafizəsi üzrə bir sıra layihələr həyata keçirən “Atəşgah” SQ bu dəfə korporativ sosial məsuliyyəti və dövlət vətəndaş birliyini öndə tutaraq, Respublikamızda yarana biləcək sosial böhranın qarşısının alınması üçün atdığı bu addımın, digər maliyyə qurumlarının virusla mübarizədə dəstəklərinə təkan yaradacığına inanır.

Yüksək etibarlılıq imicinə  malik olan “Atəşgah” Sığorta Şirkəti 1996-cı ildən, “Atəşgah Həyat” Sığorta Şirkəti isə 2008-ci ildən fəaliyyət göstərir.

BÖLMƏDƏ YENİ

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News", İnformasiya Agentliyi
Bütün hüquqlar qorunur