“Bakcell” abunəçilərinə sərfəli mobil internet trafikini təklif edir
“Bakcell” şirkəti Yeni İldə öz abunəçilərini xüsusi kampaniya ilə sevindirir. Eyni qiymətə ikiqat həcmdə gündəlik mobil internet fürsəti təklif edir.
1news.az APA-ya istinadən xəbər verir ki, “Bakcell” şirkətindən verilən məlumata görə kampaniya çərçivəsində, “Bakcell” şirkətinin abunəçiləri eyni qiymətə, yəni gündə 0.20 manat ödəməklə əldə etdikləri 50MB internet trafikinə əlavə olaraq 50MB bonus almaq imkanına malik olacaqlar (50MB + 50MB). 50MB bonus gün ərzində, səhər saat 6:00-dan axşam saat 18:00-dək etibarlıdır.
Kampaniya davam etdiyi müddətdə 50MB Gündəlik Təkrarlanan İnternet Paketini aktivləşdirən bütün yeni abunəçilər də 50MB+50MB bonus internet trafikini əldə edə biləcəklər.
Gündəlik 50MB internet paketinin qiyməti dəyişməz olaraq qalacaq, lakin abunəçilər öz mobil telefonlarında musiqi yükləmək, onlayn video izləmək, şəkil yükləyib paylaşmaq və elektron məktublar göndərmək, ”Facebook”, “Whatsapp” və sevdikləri digər xidmətlərdən faydalanmaq üçün ikiqat həcmdə internet trafiki əldə edəcəklər.
“Bu yaxınlarda keçirdiyimiz “ikiqat trafik” kampaniyası olduqca uğurlu oldu. Abunəçilərimiz bizə çoxsaylı müraciətlər edərək belə kampaniyaların tez-tez keçirilməsini xahiş edirlər”, deyə “Bakcell” şirkətinin baş marketinq direktoru Mariya Toyçeva bildirib. “Abunəçilərimizin xahişlərini nəzərə alaraq və onların Yeni İldə mobil internet xidmətlərinə artan tələbatlarını təmin etmək üçün biz onlara daha çox mobil internet trafiki əldə etmək imkanını təklif etmək qərarına gəldik. Ümid edirik ki, gündəlik 100MB (50MB+50MB) internet paketi müştərilərimizin bayram əhval-ruhiyyəsini artırmağa və sevinc hisslərini öz dostları və yaxınları ilə paylaşmasına öz töhfəsini verəcəkdir”, deyə M. Toyçeva əlavə edib.
Qeyd edək ki, Yeni İl münasibəti ilə “Bakcell” şirkəti bu yaxınlarda abunəçilərə limitsiz şəbəkədaxili danışıq imkanı verən başqa bir kampaniyaya da start verib. Həmin kampaniya çərçivəsində “Bakcell” abunəçiləri gündəlik cəmi 0.59 manat ödəməklə limitsiz şəbəkədaxili danışıq imkanı əldə edirlər.
