Azərbaycan növbəti 4 ildə ciddi qənaət rejimi tətbiq edəcək
“Neftin qiymətinin düşməsi və Azərbaycan Mərkəzi Bankı tərəfindən yeni məzənnə siyasətinə keçid 2016-cı ilin büdcəsinə bəzi dəyişiklikləri qaçınılmaz edir”.
10 yanvar tarixində Nazirlər Kabinetində Azərbaycan Prezidenti İlham Əliyevin sədrliyi ilə 2015-ci ildə sosial- iqtisadi inkişafın nəticələri və yeni vəzifələrə həsr olunmuş iclasda iştirak edən Azərbaycan maliyyə naziri Samir Şərifov bu haqda bəhs edib.
Prezident və Nazirlər Kabineti üzvlərinin çıxışının tam mətninə bu keçiddə oxuya bilərsiniz.
Onun sözlərinə görə bu bu dəyişikliklər icmal və dövlət büdcəsi gəlirlərinin yeni şəraitə uyğunlaşdırılması, son illər aparılmış büdcə yığcamlaşdırılması siyasətini davam etməklə büdcə xərclərinin səmərəliliyinin artırılması, valyuta ehtiyatlarına qənaət edilməsi, qeyri-neft sektorunun və sahibkarlığın inkişafına əlavə təkan verilməsi kimi hədəfləri güdməlidir.
Nazir qeyd edib ki, dövlət başçısının tapşırığı ilə əhalinin həssas təbəqəsinə qiymət artımının təsirini neytrallaşdırmaq üçün tədbirlərin keçirilməsi planlaşdırılır.
“Bununla yanaşı, möhtərəm cənab Prezident, Sizin tapşırığınıza uyğun olaraq ölkə daxilində və xaricində investisiya qoyuluşu xərcləri də nəzərə alınmaqla 2016-cı il və sonrakı üç il üçün ciddi qənaət rejimini təmin edəcək tarazlaşdırılmış gəlir və xərclər smetası hazırlanmalı, dövlət vəsaitlərindən qənaətlə istifadə edilməklə maliyyə nizam-intizamı gücləndirilməli, israfçılığa, izafi xərclərə yol verilməməli, həmçinin dövlət idarəetmə sisteminin təkmilləşdirilməsi, dövlət mülkiyyətində olan şirkətlərin idarəetməsində islahatların aparılması, dövlət mülkiyyətinin özəlləşdirilməsi prosesinə əlavə təkan verilməsi, bank sisteminin köklü şəkildə konsolidasiyası və ona olan etimadın artırılması kimi məsələlərin həllinə nail olunmalıdır”-deyə, S.Şərifov bildirib.
Maliyyə naziri dövlət vəsaitlərindən qənaiotli istifadə üçün maliyyə intizamının yüksəldilməsi dərəkdiyini, lazımsəz xərclər və istafçılığın aradan qaldırılmasını, həmçinin, dövlət idarəetmə sisteminin təkmilləşdirilməsi, dövlət mülkiyətinə daxil olan şirkətlərin idarıçiliyində islahatların keçirilməsinin zəruriliyini qeyd edib.
Bundan əlavə S. Şərifovun sözlərinə görə, dövlət əmlakının özəlləşdirilməsi prosesini və ölkənin bank sisteminin möhkəmləndirilməsini stimullaşdırmaq vacibdir.
1news.az
