Sumqayıtda “Mercedes”lə avtobus toqquşub: ölən və yaralananlar var

Sumqayıt şəhərində ölümlə nəticələnən yol-nəqliyyat hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə dünən saat 17:00 radələrində şəhərin H.Z.Tağıyev qəsəbəsində qeydə alınıb.

Belə ki, şəhər sakinləri Amid Cəfərovun idarə etdiyi “Mercedes” və Canlar Hüseynovun 3 saylı xətt üzrə idarə etdiyi “İsuzu” markalı (avtobus) avtomobillər toqquşub.

Nəticədə A.Cəfərov hadisə yerində ölüb, C.Hüseynovun 2 sərnişininə isə xəstəxanada ilkin tibbi yardım göstərildikdən sonra buraxılıb. 

Faktla bağlı Sumqayıt Şəhər Polis İdarəsi tərəfindən araşdırma aparılır.

1news.az