Füzulidə fermadan 160 baş qoyun oğurladılar

Dünən Füzuli rayonunun Qayıdış qəsəbəsində Beyləqan rayon sakini Fikrət Zamanova məxsus fermadan 160 baş qoyun oğurlanıb.

1news.az xəbər verir ki, Daxili İşlər Nazirliyinin mətbuat xidmətindən verilən məlumata görə, aparılan araşdırmalar nəticəsində hadisənin Beyləqan rayon sakini Qədir Sarıyev və Ağcabədi rayon sakini Anar Alızadə tərəfindən törədildiyi məlum olub.

Adıçəkilən şəxslər tutularaq Füzuli Rayon Polis Şöbəsinə təhvil veriliblər.

1news.az