Qırğızstan mətbuatında 20 Yanvar faciəsi ilə bağlı geniş məqalə dərc olunub - FOTO

Bu ilin yanvar ayının 19-da Qırğızstanın ən çox oxunan və 15 ildən artıq fəaliyyət göstərən “Akipress” informasiya agentliyində Azərbaycanın Qırğız Respublikasındakı Səfirliyinin hazırladığı press-reliz əsasında Qanlı Yanvar faciəsinin 26-cı ildönümünə həsr olunmuş geniş məqalə təqdim edilib.

1news.az-ın səfirliyin yaydığı məlumata istinadla verdiyi xəbərə görə, məqalədə yanvarın 20-də sovet ordu hissələrinin, daxili qoşunların və xüsusi təyinatlı dəstələrin iri kontingentinin Bakıya yeridilərək, xüsusi qəddarlıq və görünməmiş vəhşiliklər törədilməsi, 134 insan qətlə yetirməsi, 744 nəfərin yaralanması, 5 nəfər itkin düşməsi və 841 nəfərin isə əsassız olaraq həbs edilməsi ilə bağlı yazı əks olunub.

Qeyd edilib ki, Ulu Öndər Heydər Əliyevin 20 Yanvar müsibətindən dərhal sonra Azərbaycanın Moskva şəhərindəki daimi nümayəndəliyinə gəlib və cinayət törədənlərin cinayət məsuliyyətinə cəlb olunmalarını tələb edib.

Həmçinin, sovet ordusu tərəfindən Bakıda və ölkəmizin bir sıra digər ərazilərində törətdilmiş vəhşiliklərdən, bu qanlı müsibətdə, başda Mixail Qorbaçov olmaqla, onların bütün beynəlxalq hüquq normalarına zidd hərəkət etmələri barədə məlumat verilib.

1news.az