Litvada 20 Yanvar şəhidlərinin xatirəsi yad edilib – FOTO
Litvanın Klaypeda şəhərində fəaliyyət göstərən “Azəris” diaspor təşkilatı 20 Yanvar faciəsi zamanı həlak olan həmvətənlərimizin xatirəsini yad etmək məqsədilə anım mərasimi təşkil edib.
1news.az-ın məlumatına görə, digər icmaların nümayəndələrinin də iştirak etdiyi tədbir faciə qurbanlarının xatirəsinin bir dəqiqəlik sükutla yad edilməsi ilə başlayıb.
Milli Mədəniyyət Mərkəzində təşkil olunan tədbirdə çıxış edən təşkilatın rəhbəri Əliağa Məmmədov 1990-cı il yanvarın 19-u və 20-i tarixində baş verənlər haqqında danışıb, xalqın müstəqilliyi uğrunda özlərini qurban verən şəhidləri ehtiramla yad edib. Tədbir iştirakçıları da müzakirələrə qoşulub, faciə ilə bağlı fikir və hisslərini bölüşüblər.
Daha sonra 20 Yanvar faciəsindən bəhs edən sənədli film nümayiş olunub.
1news.az
