Necdet Ünüvar: “26 il əvvəl 20 yanvar günü Azərbaycanda “günəş doğmadı”

Türkiyə -  Azərbaycan Parlamentlərarası Dostluq Qrupunun sədri, professor Necdet Ünüvar 20 Yanvar Hüzn günü münasibətilə Azərbaycan və Türk millətinə dərin hüznlə başsağlığı verib.

1news.az xəbər verir ki, başsağlığı mətnində bildirilir: “20 yanvar 1990-cı ildə sovet ordusunun qardaşlarımızı qətl etdiyini unutmayacağıq. “Qara Yanvar” bizim üçün də matəm günüdür. 20 yanvarda yaşanan qətliam Türk dünyasının yaşamış olduğu ən acı günlərdən biridir. 26 il əvvəl 20 yanvar günü Azərbaycanda “günəş doğmadı”. Sovet tankları Bakıya girərək lüləsini azadlıq atışi ilə yanan məsum insanlara yönəltdi. Rus tankları uşaq, qadın, kişi, yaşlı, gənc demədən hər kəsi vurur-yıxdı. Bəs bu insanların günahı nə idi? Vətən torpağını sevmək, onu qorumaq diləyi nə zamandan bəri günah sayılır?

20 Yanvar zalımlıqla həyata keçirilən bir zülmdür, kim edirsə etsin zalıma qarşıyıq və kim olursa olsun zülmə uğrayanların yanındayıq. Qərb dünyası günümüzdə olduğu kimi  o zaman da bu insanlıq ayıbına qarşı biganə qalıb və Sovet İttifaqı başçısı Mixail Qarbaçova Nobel sülh mükafatı təqdim edərək bir növ qətliamı mükafatlandırıb.

“Tək Millət İki Dövlət” olan Türkiyə və Azərbaycan olaraq acılara birlikdə üzüldük, yaralarımızı birlikdə sarıdıq. 20 Yanvar hüzn günündə bütün Azərbaycan və Türk Millətinin təkrar baş sağ olsun deyərkən, bu qətliamda həyatını itirən qardaşlarımıza bir daha uca Allahdan rəhmət diləyirik”.

1news.az