Müəllim tərəfindən döyülən şagirdlə bağlı yeni məlumatlar yayılıb - VİDEO - YENİLƏNMƏ

Müəllim tərəfindən döyülən şagirdlə bağlı yeni təfərrüatlar məlum olub.

Məlum olduğu kimi, 1news.az-ın verdiyi xəbərə görə, hadisə Xırdalandakı 9 saylı məktəbədə baş verib.

Əldə olunan indormasiyalara görə, hadisə bir neçə ay bundan əvvəl baş verib. Belə ki, müəllim dərsdən sonra şagirdlərlə ev tapşırıları hazırlayırmış. Videoda döyülən şagird də müəllimin bacısı qızı imiş.

Hələlik məktəb rəhbəliyindən baş vermiş hadisə ilə bağlı rəsmi məlumat əldə olunmayıb.

Xatırladaq ki, daha əvvəl Təhsil Nazirliyi bildirmişdi ki, sosial şəbəkələrdə yayılmış video ilə bağlı araşdırmalar aparılır, nəticələrdən sonra məlumat veriləcək.

1news.az

11:30

Yenidən sosial şəbəkələrdə müəllim tərəfindən şagirdin döyülməsi videosu yayılıb.

1news.az-ın verdiyi xəbərə görə, şəbəkələrdə qeyd olunur ki, yayılmış video Xırdalanda 9 saylı məktəbdə çəkilib.

Kadrlardan da aydın görünür ki, müəllim lövhənin qarşısında dayanan şagirdin başına vurur. Videonun nə vaxt çəkildiyinin dəqiq vaxtı məlum deyil.

Hadisə ilə əlaqədar Təhsil Nazirliyində bildirilib ki, sosial şəbəkələrdə yayılmış video ilə bağlı araşdırmalar aparılır, nəticələrdən sonra məlumat veriləcək.

Bu, müəllim tərəfindən şagirdin döyülməsi ilə bağlı ilk hadisə deyil. Belə ki, bu yaxınlarda Sumqayıtdakı 22 saylı məktəbdə də oxşar hadisə baş vermişdi.

Baş vermiş həmin hadisə zamanı Təhsil Nazirliyi tarix müəllimi İdris Hüseynovu “Təhsil haqqında” və “Müəllimin etik davranış qaydaları” qanunlarını pozaraq şagirdə güc tətbiq edərək, onun şərəf və layəqətini alçaltması ilə bağlı bəyanatla çıxış etmişdi.

Bəyanatda qeyd olunurdu ki, Əmək Məcəlləsinin 70-ci maddəsinin “ç” bəndini rəhbər tutaraq İdris Hüseynov tutduğu vəzifədən azad edilib.

1news.az