Polis narkotik vasitə saxlayan şəxsləri saxlayıb
Polis narkotik vasitə saxlayan şəxsləri saxlayıb.
1news.az xəbər verir ki, bu barədə Daxili İşlər Nazirliyinin mətbuat xidmətindən məlumat veriblər.
Məlumata görə, Göygöl Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində Saatlı rayon sakinləri Mətləb Həsənov və Nadir Cəfərov 1 kiloqram 73,82 qram marixuananı satarkən tutulublar. N.Cəfərovun evinə baxış zamanı əlavə olaraq 3 kiloqram 164,17 qram marixuana aşkar edilərək götürülüb.
Qaradağ Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində Babək rayon sakini Niyaz Quliyevdən 5 kiloqram 89 qram marixuana götürülüb.
Yasamal polisinin həyata keçirdiyi əməliyyat-axtarış tədbirləri nəticəsində Bakı şəhər sakini, əvvəllər məhkum olunmuş Vitaliy Konstantindən 37,23 qram marixuana götürülüb. Onun mənzilinə baxış zamanı isə əlavə olaraq 15 kiloqram 570 qram marixuana da aşkar edilərək götürülüb.
Yasamal Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində isə Bakı şəhər sakini, əvvəllər məhkum olunmuş Denis Sterikovdan 510 qram heroin götürülüb.
1news.az
