“Türk Hava Yolları” İstanbul-Bakı-İstanbul aviareyslərini təxirə salıb | 1news.az | Xəbərlər
Dünya

“Türk Hava Yolları” İstanbul-Bakı-İstanbul aviareyslərini təxirə salıb

13:09 - 27 / 01 / 2016
“Türk Hava Yolları”  İstanbul-Bakı-İstanbul aviareyslərini təxirə salıb

Yanvarın 28-də İstanbulda gözlənilən əlverişsiz hava şəraiti ilə əlaqədar “Türk Hava Yolları” (THY) İstanbul-Bakı-İstanbul aviareysini təxirə salıb.

1news.az xəbər verir ki, bu barədə “Türk Hava Yolları”nın rəsmi saytında yerləşdirilmiş məlumatda bildirilib.

Məlumata görə yanvarın 28-də İstanbul Atatürk Aeroportundan həyata keçirilən İstanbul-Bakı-İstanbul aviareysi əlverişsiz hava şəraiti ilə əlaqədar təxirə salınıb.

Təxirə salınan reyslər sırasında  İstanbul –Bakı (TK0332) və Bakı- İstanbul (TK0333) reysləri qeyd olunub.

Qeyd edək ki, hava ilə əlaqədar THY yanvarın 28-də ümumilikdə 38 aviareysi müvəqqəti dayandırıb.

1news.az

Paylaş:
1296

Son xəbərlər

Bütün xəbərlər