“Hərbi xidmətkeçmə haqqında Əsasnamə”də dəyişikliklər edilib

Milli Məclis Azərbaycan Respublikasının 1997-ci il 3 oktyabr tarixli 377-IQ nömrəli Qanunu ilə təsdiq edilmiş “Hərbi xidmətkeçmə haqqında Əsasnamə”də dəyişikliklər edilməsi barədə Azərbaycan Respublikasının Qanununu təsdiq edib.

1news.az-ın dövlət başçısının rəsmi saytına istinadən verdiyi xəbərə görə, Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 18-ci bəndini rəhbər tutaraq qərara alır:

“Azərbaycan Respublikasının 1997-ci il 3 oktyabr tarixli 377-IQ nömrəli Qanunu (Azərbaycan Respublikasının Qanunvericilik Toplusu, 1998, № 1, maddə 14; 2001, № 3, maddələr 138, 145, 146, 147, № 12, maddələr 731, 745; 2002, № 6, maddə 328, № 8, maddə 464; 2004, № 2, maddə 57, № 11, maddə 886; 2005, № 7, maddələr 576, 588, № 10, maddə 871; 2006, № 4, maddə 312, № 11, maddə 933; 2007, № 8, maddə 756, № 11, maddə 1078; 2008, №7, maddə 602, № 8, maddə 695, №12, maddə 1048; 2010, № 6, maddə 482; 2011, № 2, maddə 71; 2015, № 5, maddə 501) ilə təsdiq edilmiş “Hərbi xidmətkeçmə haqqında Əsasnamə”də aşağıdakı dəyişikliklər edilsin:

1. 117-ci maddənin ikinci hissəsində “port” sözü çıxarılsın və “ hərbi komendantına,” sözlərindən sonra “dəniz limanı idarəsinə,” sözləri əlavə edilsin.

2. 118-ci maddənin a) yarımbəndinin ikinci cümləsində “port” sözü çıxarılsın və “hərbi komendantı,” sözlərindən sonra “dəniz limanı idarəsi,” sözləri əlavə edilsin.

3. 141-ci maddənin ikinci hissəsində “portu” və “(liman)” sözləri çıxarılsın və “ komendantından,” sözlərindən sonra “dəniz limanı idarəsindən,” sözləri əlavə edilsin.

4. 142-ci maddədə “portu” sözü çıxarılsın və “hərbi komendantına,” sözlərindən sonra “dəniz limanı idarəsinə” sözləri əlavə edilsin”.

İlham Əliyev

Azərbaycan Respublikasının Prezidenti

Bakı şəhəri, 18 dekabr 2015-ci il.

1news.az