Millimiz Albaniya yığmasının qapısından 4 cavabsız top keçirdi – VİDEO

21 yaşadək futbolçulardan ibarət Azərbaycan yığması “Antalya Cup” turnirində bu gün üçüncü oyununu keçirib.

1news.az-ın məlumatına görə, Albaniyanın U-21 yığması ilə qarşılaşan komandamız qələbə qazanıb – 4:0.

Oyunda hesabı Vüqar Mustafayev açıb. İkinci qolu Azər Salahlı, üçüncünü isə Kamal Mirzəyev vurub. Qarşılaşmanın yekun hesabını müəyyənləşdirən qolun müəllifi Kamran Abdullazadə olub.

Qeyd edək ki, yığmamız turnirdə son oyununu yanvarın 28-də, Bakı vaxtı ilə saat 13:00-da Bəhreynin U-20 komandasına qarşı keçirəcək.

1news.az