AFFA-nın baş katibi UEFA-nın Komitə iclasında iştirak edir

Bu gündən etibarən Fransanın paytaxtı Paris şəhərində UEFA-nın İdarəetmə və Audit  Komitəsinin iclası keçiriləcək.

1news.az-ın məlumatına görə, AFFA-nın baş katibi, qeyd olunan komitənin üzvü Elxan Məmmədov iclasda iştirak edəcək.

Avro-2016-nın təşkilati məsələlərinin auditi ilə bağlı müzakirələrin aparılacağı iclas öz işini fevralın 3-də yekunlaşdıracaq.

Xatırladaq ki, İdarəetmə və Audit  Komitəsinin digər üzvləri Avstriya və Finlandiya futbol federasiyalarını təmsil edir.

1news.az