AFFA FİFA prezidenti postuna seçkilərdə dəstəkləyəcəyi namizədin adını açıqlayıb
AFFA fevralın 26-da FİFA prezidenti postuna keçiriləcək seçkilərdə dəstəkləyəcəyi namizədin adını açıqlayıb.
1news.az-ın məlumatına görə, bu UEFA-nın hazırkı baş katibi Canni İnfantinodur.
Məlum olduğu kimi, FİFA-nın Seçki Komissiyası prezident vəzifəsinə irəli sürülən 5 namizədi təsdiq edib.
Namizədlərdən biri UEFA-nın hazırkı baş katibi C.İnfantinodur. UEFA-da işlədiyi 15 il ərzində (6 il UEFA-nın baş katibi qismində) cənab İnfantino böyük təcrübə toplayıb və hazırda Avropa futbol ailəsinin ən nüfuzlu mütəxəssislərindən sayılır.
2016-cı il yanvarın 19-da Canni İnfantino seçkiqabağı proqramını ictimaiyyətə təqdim edib. Proqram 3 hissədən ibarətdir:
1. İslahat və effektiv idarəetmə
2. Demokratiya və yardım
3. Futbolun inkişafı
Qeyd olunan proqramla İnfantino dünya futbolunun yaxın illərdə inkişafı haqqında baxışlarını və ideyalarını bölüşüb. UEFA-nın üzvü olan milli assosiasiyaların əksəriyyəti, həmçinin başqa konfederasiyaları təmsil edən bəzi federasiyalar İnfantinoya öz dəstəklərini bildiriblər.
Xatırladaq ki, FİFA prezidentliyinə
1news.az
