Saxta sənədlərlə ölkəmizə keçmək istəyən Pakistan və Nigeriya vətəndaşları saxlanılıblar
Dövlət Sərhəd Xidmətinin əməkdaşları saxtalaşdırılmış sənədlərlə dövlət sərhədini keçməyə cəhd edən şəxslərin aşkarlanması istiqamətində uğurlu fəaliyyətlərini davam etdirirlər.
1news.az-ın məlumatına görə, yanvarın 29-da həyata keçirilmiş tədbirlər nəticəsində Heydər Əliyev Beynəlxalq Aeroportunda 012 nömrəli “Dubay-Bakı” aviareysi ilə ölkəmizə gələn Pakistan vətəndaşları Avan Şokas Hüseyn və İrfan Məhəmməd pasportlarında saxta Türkiyə Respublikası vizası və üzərlərində yapışdırılmamış saxta Avstraliya vizası aşkar olunaraq saxlanılıblar.
Həmin gün 334 nömrəli “İstanbul-Bakı” aviareysi ilə ölkəmizə gələn Nigeriya vətəndaşı Metobor Oke pasportunda Azərbaycan Respublikasına məxsus saxta elektron viza olduğu üçün saxlanılıb.
Araşdırma aparıldıqdan sonra saxlanılan şəxslər geri qaytarılıblar.
1news.az
