Türkiyə prezidenti təhlükəsizlik məsələləri ilə bağlı təcili toplantı keçirib

Türkiyə prezidenti Rəcəb Tayyib Ərdoğan Ankarada təhlükəsizlik məsələləri, terrorçuluqla mübarizə və bölgədəki vəziyyətlə bağlı təcili müşavirə çağırıb.

1news.az-ın Türkiyə mətbuatına istinadən verdiyi xəbərə görə, müşavirədə Türkiyənin baş naziri Əhməd Davudoğlu, Silahlı Qüvvələrin Baş Qərargah rəisi Hulusi Akar, DİN rəhbəri Efkan Ala və Milli Kəşfiyyat Təşkilatının rəhbəri Hakan Fidan iştirak edir.

 Qeyd edək ki, toplantı prezidentin gündəlik iş planına daxil edilmədiyindən baş nazir Əhməd Davudoğlu Hollandiyaya səfərini təxirə salmalı olub.

1news.az