Larisa Leşenko: “Azərbaycanın reytinqinin aşağı salınması ölkəyə sərmayələr yatırılmasının cəlb edilməsinə mane olmayacaq”

Beynəlxalq reytinq agentlikləri tərəfindən Azərbaycanın müstəqil reytinqinin aşağı salınması ölkəyə xarici investisiyalar cəlb edilməsi prosesinə mane olmayacaq.

1news.az-ın verdiyi xəbərə görə, bu haqda Bakıda “Azərbaycanın vergi sistemi: reallıqlar və perspektivlər” adlı V Vergi Forumu zamanı Dünya Bankının Bakı ofisinin rəhbəri Larisa Leşenko jurnalistlərə açıqlamasında bildirib.

Onun sözlərinə görə, əgər Azərbaycan avroistiqrazlar buraxarsa, ölkənin müsətəqil reytinqinin aşağı salınması beynəlxalq maliyyə bazarlarında vəsaitlərin cəlb edilməsinə mənfi təsir göstərə bilər.

“Fərdi sərməyədarlar isə başqa məsələdir, onlar bir çox faktorlara diqqət yetirirlər və reytinqə böyük əhəmiyyət verməyə də bilərlər. Onlar daha çox, deyək ki, biznes-mühitə, bərpa oluna bilən gəlirlərin həcmi, kapitalın daşınması və s. diqqət yetirirlər”, - L.Leşenko bildirib.

Bununla belə, o, qeyd etdi ki, milli valyutanın məzənnəsinin aşağı düşməsi xarici sərmayədarların ölkəyə cəlb edilməsi üçün yaxşı imkandır.

“Əvvəllər Azərbaycanda biznes qurmaq çətin idi”, - Dünya Bankının Bakı ofisinin rəhbəri bildirib.

1news.az