Parisin 2024-cü il Yay Olimpiya Oyunlarına namizədlik loqosu təqdim edilib - FOTO
Paris şəhərinin 2024-cü il Yay Olimpiya Oyunlarına namizədlik loqosu ictimaiyyətə təqdim olunub. Loqonun üzərində Parisin rəmzi sayılan Eyfel qülləsi təsvir olunub.
1news.az-ın AZƏRTAC-a istinadla verdiyi xəbərə görə, namizədlik komitəsinin həmsədrləri Bernard Lapasset və kanoe üzrə üçqat Olimpiya çempionu Toni Estanguet fevralın 17-də Fransa paytaxtının namizdəlik layihəsini Beynəlxalq Olimpiya Komitəsinə təqdim edəcək. Oyunların təşkili üçün müəyyən edilən büdcənin 60 millyon avro olduğu bildirilib.
Budapeşt, Los-Angeles və Roma da 2024-cü ildə keçiriləcək Olimpiya Oyunlarına ev sahibliyinə iddia edən şəhələrdir. Oyunlara ev sahibliyinə seçim mərasimi gələn il sentyabrın 13-də Lima şəhərində keçiriləcək.
Artıq Roma şəhəri də yaşıl, ağ və qırmızı rənglərlə bəzədilmiş və üzərində Kolizeyin əks olunduğu loqosunu təqdim edib.
1news.az
