Ukrayna prezidenti və Ali Rada sədrinin bu ilin ilk yarısında Azərbaycana səfəri planlaşdırılır
“Prezident Petro Poroşenko ilə Prezident İlham Əliyevin son Davos görüşündən sonra biz Ukrayna prezidentinin və Ali Rada sədri Vladimir Qroysmanın Azərbaycana səfəri üzərində işləməyə başlamışıq”.
1news.az-ın APA-ya isinadla verdiyi xəbərə görə, bunu Ukrayna-Azərbaycan Parlamentlərarası İşçi Qrupunun rəhbəri Maksim Kuryaçiye deyib.
M.Kuryaçiye qeyd edib ki, bu ilin birinci yarısında Ukrayna prezidentinin və Ali Rada sədrinin ayrı-ayrılıqda Azərbaycana səfəri planlaşdırılır:
“Prezidentlərin Davos görüşündə xeyli mövzu ətrafında məhsuldar danışıqlar aparılıb. Bu görüş hər iki səfərin baş tutmasını zərurətə çevirib. Hazırda aidiyyəti üzrə Azərbaycandan olan həmkarlarımızla səfərlərin konkret tarixi və detalları üzərində işləyirik. Bu səfərlərin baş tutması Ukrayna üçün olduqca əhəmiyyətlidir”.
1news.az
