Sərbəst və yunan-Roma güləşi üzrə gənclər arasında Azərbaycan birinciliyi keçiriləcək
18-19 fevral tarixlərində “Sərhədçi” İdman Olimpiya Mərkəzində gənclər arasında sərbəst və yunan-Roma güləşi üzrə Azərbaycan birinciliyi keçiriləcək.
1news.az-ın məlumatına görə, yarışın keçirilməsində əsas məqsəd ölkə ərazisində güləş idman növünün təbliği və inkişafına nail olmaq, respublikada fəaliyyət göstərən idman təşkilatlarında təlim-məşq prosesini təkmilləşdirmək və müvafiq yaş qrupu üzrə mükafata layiq yerlər tutmuş idmançıları yığma komandalara cəlb etməkdir.
Yarış Dünya Güləş Birliyinin mövcud qaydalarına əsasən təşkil olunacaq və şəxsi xarakter daşıyacaq. Yarışda klub və cəmiyyətlərin yığma komandalarının üzvü olan 1996-1998-ci il təvəllüdlü idmançılar iştirak edəcək.
Hər gün səhər saat 10:00-da başlayacaq yarışların təntənəli açılış marasimi fevralın 18-də saat 17:00-da baş tutacaq. Hər çəki dərəcəsində mükafata layiq yerlər tutmuş idmançılar medal və diplomla yanaşı, AGF tərəfindən pul mükafatı ilə də təltif olunacaq və yığma komandanın heyətinə cəlb olunacaq.
Turnirin proqramına əsasən, fevralın 18-də sərbəst, 19-da isə yunan-Roma növü üzrə gənc güləşçilər arasında ən güclülər müəyyənləşəcək.
Çərşənbə / 17.02.2015
14:00-15:00 Hakimlərin iclası
15:00-16:00 Texniki konfrans
16:00-16:30 Sərbəst güləş üzrə çəki: 50, 55, 60, 66, 74, 84, 96, 120 kq
Cümə axşamı / 18.02.2015
10:00-15:30 Sərbəst güləş üzrə ilkin və təsəlliverici görüşlər: 50, 55, 60, 66, 74, 84, 96, 120 kq
15:30-16:00 Yunan-Roma güləşi üzrə çəki: 50, 55, 60, 66, 74, 84, 96, 120 kq
17:00-17:30 Təntənəli acılış mərasimi
17:30-19:30 Sərbəst güləş üzrə Final görüşləri: 50, 55, 60, 66, 74, 84, 96, 120 kq
Cümə / 19.02.2015
10:00-15:30 Yunan-Roma güləşi üzrə ilkin və təsəlliverici görüşlər: 50, 55, 60, 66, 74, 84, 96, 120 kq
17:00-19:00 Yunan-Roma güləşi üzrə Final görüşləri: 50, 55, 60, 66, 74, 84, 96, 120 kq
1news.az
