Avropa Liqası: “Fənərbaxça” “Braqa”ya, “Liverpul” “Mançester Yunayted”ə rəqib oldu

Bu gün Avropa Liqasının 1/8 final mərhələsinin püşkü atılıb.

1news.az-ın məlumatına görə, İsveçrənin Nyon şəhərində baş tutan püşkatmada kubok uğrunda mübarizəni davam etdirən 16 komanda növbəti rəqiblərini tanıyıb.

Qeyd edək ki, püşkatma Türkiyənin “Fənərbaxça” klubunun yeni rəqibinin adına da aydınlıq gətirib. Belə ki, “bülbüllər” gələn ay keçiriləcək raundda Portuqaliyanın “Braqa” ilə qarşılaşacaq. Türkiyə təmsilçisi martın 10-da evdə, 17-də isə Portuqaliyada qüvvəsini sınayacaq.

Püşkatmanın digər nəticələrini təqdim edirik:

Avropa Liqası

1/8 final

(10-17 mart)

“Şaxtyor” (Ukrayna) – “Anderlext” (Belçika)
“Bazel” (İsveçrə) – “Sevilya” (İspaniya)
“Vilyarreal” (İspaniya) – “Bayer” (Almaniya)
“Atletik” (İspaniya) – “Valensiya” (İspaniya)
“Liverpul” (İngiltərə) – “Mançester Yunayted” (İngiltərə)
“Sparta” (Çexiya) – “Latsio” (Italiya)
“Borussiya” (Dortmund, Almaniya) – “Tottenhem” (İngiltərə)
“Fənərbaxça” (Türkiyə) – “Braqa” (Portuqlaiya)

1news.az