Hindistanda kişi 14 ailə üzvünü bıçaqla öldürüb, sonra isə özünü asıb

Hindistanda kişi ailəsinin 14 üzvünü bıçaqla öldürüb, sonra isə özünü asıb.

Thana şəhərində bayram tədbirlərinin təşkilatçılığı ilə məşğul olan 35 yaşlı Hansil Varekarın evində fevralın 27-də qonaqlıq olub, mərasimdən sonra bir neçə qonaq onların evində gecələyib.

Gecə saat 2 radələrində H. Varekar evin giriş qapılarını bağlayaraq, arvadını, 8 uşağını, 3 bacısını və valideynlərini yatdıqları yerdə qətlə yetirib.

Hadisəni törətdikdən sonra isə özünü asıb. Onun qətli törətdiyi bıçaq meyitinin yanında aşkarlanıb.

Hadisə barədə polisə H. Varekarın sağ qalmış bacısı məlumat verib.

Cinayətin motivləri hələlik məlum deyil, polis araşdırma aparır.