Bakıda “Opel”lə “KamAZ” toqquşub: ölən və yaralanan var

Bakıda ölümlə nəticələnən ağır yol nəqliyyat hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə bu gecə saat 01:00 radələrində Qaradağ rayonunun Sahil qəsəbəsində qeydə alınıb.

Belə ki, Culfa rayon sakini Elşad İmanovun idarə etdiyi “Opel” və Şamaxı rayon sakini Habil İsmayılovun idarə etdiyi “KamAZ” markalı avtomobillər toqquşub.

Nəticədə E.İmanovun sərnişini, Müşfiqabad qəsəbə sakini Elməddin Rəsulov hadisə yerində ölmüş, özü isə xəstəxanaya yerləşdirilib.

Faktla bağlı Baş Dövlət Yol Polisi İdarəsi tərəfindən araşdırma aparılır.

1news.az