Bakıda bir neçə evdən oğurluq edən dəstə tutuldu

Polis Bakıda evlərdən oğurluq edən cinayətkar dəstəni zərərsizləşdirib.

1news.az-ın verdiyi xəbərə görə, bu barədə Daxili İşlər Nazirliyindən məlumat veriblər.

Məlumata görə, martın 1-də oğurluq etdiklərinə görə tutulmuş Cavid Sultanlının və Ziya Zamanovun ətrafında Suraxanı polisi tərəfindən aparılmış əməliyyat tədbirləri ilə onların Bakı şəhər sakinləri Şamil Əliyev, Ceyhun Şirəliyev və Emil İsmayılovla birgə cari il yanvarın 3-dən fevralın 29-dək olan müddətdə paytaxt sakinləri T.Dalayevə, H.Həşimova, E.Lütfəliyevə və M.Ələkbərovaya məxsus evlərdən pul və qızıl əşyalar oğurlamaları da müəyyən edilib.

Həyata keçirilmiş əməliyyat-axtarış tədbirlərilə Ş.Əliyev, C.Şirəliyev və E.İsmaylov tutulublar.

1news.az